Ayman Rashad 3

انا مش محتاج طباخه لإني ممكن لو زهقت من الفاست فود آكل من إيد أختي أو حتى من عند مطاعم كتير بتعمل اكل بيتي . ولا محتاج واحدة تغسللي الهدوم لإن المغسله اللي جنبي بيغسل ويكوي ويعلق ويطبّق ويجيبلي الحاجه لحد عندي، ولا محتاج حد ينضف البيت لإن فيه حارس العقار وزوجتة بيساعدني وبتنضفه أو انا بنضفه بنفسي أوقات كتير. انا معنديش مانع اطبخ واغسل واكنس واعمل كل حاجه في وجود انسانة بس أبقى شايفها شريكتي وصديقتي، مشكلتي مع الجواز مش موضوع جوازة وخلاص ، مشكلتي ان اتقبل حد بمشاعر من ناحيتي ليها اولا ثم من ناحيتها لي ، اني ماكونش شخص مزعج ولا ظالم ولا أناني، حد تفهمه تكلمه تسمعه تصدقه تثق فيه وتديله مساحته وتاخد منه مساحتك في غلاف غير مرئي من الود والرحمة وأشياء أخرى، فـ انا مش باقول كلام والسلام أنا بجد باحس تجاه نفسي اني استحق اكون سعيد ومتفاهم ومفهوم، باشوف ان لنفسي عليا حق الانتظار والتفكير، موضوع الجواز ده حوار مش سهل ومش أي حد يقدر يحدد هو عاوز ايه منه تحديداً، ودي أكبر اشكالية ف العلاقات ف رأيي ان الناس يا اما مش عارفين بيتجوزوا ليه فبيتجوزوا عشان المفروض يتجوزوا، او بيتجوزوا عشان ده احسن الموجود، او بيتجوزوا وهما حاسين ان كان فيه احسن.. الخ الخ، انا بقى مش عاوز غير صديقه أبدية وشخص مختلف بجد واختلافه كامن ف انه بيفهمني وبيعرف قصدي بدون ما امثّل ولا اكذب ولا ابرر ولا ابذل مجهود، فـ ياكده ياسنجل خلاص للأبد اختصارا لاي كلام.. وياريت اللي مش زيي بلاش تواصل واللي محتاج الجواز لمجرد الجواز وخلاص فانا اسف.. انا ابحث عن جواز بالقلب وليس بالعقل لان لو علي العقل فانا رفضت ناس لا عقل ولا منطق يرفضهم