Hassan chaibi

سلام عليكم... نتمنى تقرى واش كتبت هنا على خاطر راني صادق في كل حرف كتبتو.. في البداية نقلك اسمي حسان 34 سنة نخدم جدارمي في بجاية.. تربيت يتيم بلا. اب وعندي 14 سنة وانا بعيد على اهلي والناس الي نعرفهم ونحبهم ... هاذ الشي خلاني نشعر بالوحدة وبالاحتياج لانسانة تشاركني حياتي في الحلال.. مشكلتي أنو ظروفي المهنية صعبة شوية والي تشاركني حياتي يلزم تكون انسانة صبورة ومتفهمة وهذا الامر من بين الاسباب الي خلاني نتأخر في الزواج .. وبصراحة مقدرتش نتزوج من المحيط الي عايش فيه لسبب واحد وهو انني معنديش الجرأة انني نحكي مع فتاة شفتها وعجبتني في الشارع او اي مكان اخر.. على هذا اخترت انني نبحث على انسانة توالمني من خلال هذا الموقع لعل نلقى انسانة تفهمني وتحبني وتشاركني حياتي.. طلباتي بسيطة انسانة متفهمة عاقلة جميلة الشكل واي حاجة في حياتها سابقة متهمنيش.. المهم تكون نيتها صادقة وفيدال للحياة الزوجية الي راح تأسسها معايا.. في حال كنت تشوفي في نفسك مناسبة ليا وممكن يجمعنا المكتوب تواصلي معايا.. والشيئ الوحيد الي نوعدك بيه حاليا انني نكون صادق معاك وفي حال اننا تفاهمنا راح نتقدملك امام اهلك مباشرة وبلا ما نطلب منك انك تخرجيلي ونشوفك في الشارع... على خاطر نيتي الحلال والي يحب الحلال يقصد باب الدار.. نتمنى انك تجاوبيني ادا شفتي نفسك مناسبة ليا وان شاء الله ربي يوفقك للخير سواء معايا او مع شخص اخر.