الفجر الكاذب

انا ببساطه ماسك معول وعمال احفر وانقب وادور لحد ما الاقي اللي انا عايزه ،ولو سالتني طب هو ايه اللي انت عايزه هقولك معرفش بس اكيد لما الاقيه هعرف انه هو ده اللي كنت بدور عليه..... هيبقي في انجذاب روحي واحساس بالانتصار والفوز ، او كما قال حسين الجسمي اه لاقيت الطبطبه اتحدي اي اديب او كاتب انه يحط تعريف لغوي للطبطبه ،واتحدي اي فنان او رسام انه يعمل بورتريه للطبطبه ، كل انسان ليه طبطبه خاصه بيه بيدور عليها حاجه كده زي بصمه الصباع ،وانا هنا بحاول الاقي الطبطبه اللي تناسبني