Somebody 11

معتقدتش أن فى حد يقدر يتكلم عن نفسه ، لكن انا بنت من الزقازيق نفسها من القومية تحديدا ، فى سنة خامسة طب بشرى الزقازيق ، عمرى الحمد لله ما كلمت ولد او شاب و لا حتى فى أضيق الحدود ، عمرى ما ارتبط و لا حتى اتخطبت ، على قدر من الجمال الحمد لله ، سبب عدم الارتباط حتى الآن انى موصدة الباب فى موضوع العلاقات ده ،اما المتقدمين لأهلى فمعظمهم كان شهادات تانية أو مستعجل على الزواج ، عائلتى الحمد لله محترمة جدا و طيبين جدا ، أهلى و اصحابى يقولوا انى طيبة و جميلة و روحى طيبة و بعضهم بيقول ليا انى عائشة فى عالم وردى من المثل و الاخلاق معدش موجود دلوقتى ، معنديش أصحاب كتير لكن معظمهم زملاء دراسة ملحوظة مهمة : عندى شقة باسمى فى القومية فى بيت والدى و بيقولوا ممكن اتزوج فيها و مش ممانعين خالص بالعكس مرحبين بده ، لأنهم مشترطين أن الشخص اللى يجى يكون عنده شقة فى القومية نظرا انى مش هقدر ابعد عن اهلى لأنى مرتبطة بيهم جدا ملحوظة آخرى هامة للغاية : انا عدلت البيانات مخصوص علشانها بعد اذنكم ميدخلش يكلمنى اى حد غير ما يكون جدى ده اولا ثانيا : شرط أن اسكن فى القومية ده أساسى و قلت حل المشكلة أن لو الشخص مفيش شقة الحمد لله موجودة فأرجو أن مش كل شوية حد يدخل يقولى مكان تانى ثالثا : ده اهم شرط بالنسبة ليا انا ماشية بخطوات معينة احنا نتكلم الاول لو ارتحنا فى الكلام و الأفكار و اتفقنا على كل حاجة و الدنيا تمام و اتأكدنا من الجدية بعدها هقول لحضرتك أسمى و تشوف صورتى لو الدنيا تمام هتاخد رقم الواتس مش تمام يبقى خلاص كل شئ نصيب مش كل شوية حد يدخل عايز الصورة قبل السلام عليكم أو الاسم قبل اى حاجة معلش دى شروطى اللى مش عاجبه ميدخلش انا مش غصبت حد اه و آخيرا ده لا تكبر و لا غرور لكن كل بنت لازم تحمى نفسها كويس خصوصا فى تطبيق زى ده زى ما فيه ناس محترمة فى ناس بتتسلى بردو