Gigggggggggy

البنت لما ربنا بيريد يسعِدها فعلاً ويبقى عِشها دافي وجميل بيديها "شريك حياة" مش مُجرد زوج اصلها تفرق كتير جداً، شريك الحياة بَس هو اللي مهما تقلِت مُهماته وانشغالاته هيفضل شايفِك بعين الحبيب ومش شايف غيرِك ووجودك مهم عنده واول الأولويات واجملها مهما دخل حياتُه التزامات بيفضل إلتزامه ومهمتُه بإنه يسعدِك ويكون سندِك وضهرك مُهمه دايمه ومحببه له ولا تنتهي وقلبه عُمره ما يطاوعه يهملها ولا يأجلها ، شريك الحياة بيفضل دايما واخد باله انك زعلانه، فستانك جميل النهارده، مكلتيش كويس، نفسك في ايه، عندك كلام عايزه تقوليه، عنيكي حلوة، انتي تعبانه ارتاحي شويه دايما بيقولك- انا عملت كذا عشانك.. عشان خاطرك .. ربنا يخليكي ليا ، مبسوطة ؟ يلا نخرج .. انا بحبك، كل التفاصيل دي مابتغيبش عنه لأنك في قلبه وعقله ومحتله مكان كبير جداً مش كمالة البيت ولا مجرد كائن عايش وخلاص بيطُبخ ويصرف وعايش معاه! لما ربنا بيوعد بنت انها تملى قلب راجل وعينه بالشكل ده وبراجل لماح كده وكلامه بينقَط جبر خاطر وحُب خام بيبقى يا سعدها فعلاً وبينعكس الموضوع انها بعد الكلمة الحلوة وبعد ما تحس انها وسط كل انشغالاتُه ماليه العين والقلب كده بتكون مستعدة جدا انها لو قالها انقلي جبل المقطم من مكانه تنقله وهي راضيه وسعيدة ومبسوطة ، الحب بيبان في تفاصيل صغيرة جدا يا جماعه والتفاصيل دي هي اللي بتخلي الحب يكبر ويسعد المحبين وغياب التفاصيل دي هو اللي بيخليك لو اتحلف لك مهما اتحلف تقول بمنتهى الحزن "والله ما اتحبيت" ..💔💔💔