Mhmd_s

كان من الجيد أن أجازف وأقترب، لأني لو لم أفعل كنتُ سأظلّ أعتقد بأنّ شيئًا جميلًا قد فاتني. الحمد لله قدمت كل بياناتي بوضوح وكنت أتمنى الاقي حد ياخد الموضوع بطريقة موضوعية و عمليه و تكون النيه خالصة لله.. للأسف معظم بل الغالبية العظمى من السيدات أو الآنسات بتدور على مصدر دخل و ايواء، سكن مش بيت.. و كمان يكون على الكيف و المزاج حتى من غير اي تنازلات، لازم تكون الأرقام كلها مغرية يعني الواحد يكون سنه صغير و يكتب المرتب عالي أو فوق المتوسط يسكن في منطقة راقيه!! مفاجأة بالنسبة لي لما الاقي: ١- واحده عندها ٣٩ سنه و معاها ٣ أولاد وطالبه: "واحد يكون ارمل أو مطلق و يفضل يكون عقيم و يكون مقتدر علشان يقبل باولادها ويستحملهم" ٢- أو واحده عندها ٣٥ ومش عايزة تبعد عن ٦ أكتوبر، ٣- أو واحده عندها ٣٤ ومحدده يكون سنه من ٣٥ ل ٣٩ كان حد موصيها تكتب كده لو اكبر من كده مش هنقبله!! ده غير أنه الواحد بيتكلم مع حد في المجهول بيفكروا إنه مش مهم حد يشوفهم ويعجب بيهم المهم إنهم يختاروا اللي يعجبهم!! مش عارف والله السر أنه واحده تفتح الملف مرة واتنين وتلاته كذا يوم؟! من غير ما تقدم خطوه!! بتفكر ولا محتاره ولا بتقارن في ارقام ده وده من غير حتى ما تشوف البني آدم! اتقوا الله واطلعوا من ال comfort zone ولا تخاطبوا الناس بعقولكم وأعطوا للارواح متنفسها..انتم بتعاملوا بشر مش حيطان ولا اكياس فلوس.