Mostafa323

التعامل مع شخص مش واثق ف نفسه حاجه متعبه ومرهقه فعلا.. لانه يا إما بيحاول يداري الموضوع ده انه يبين ان كل اللي حواليه دون مستواه الفكري والاجتماعي وانه اعلى منهم ف القدرات وف كل حاجه ممكن تتخيلها وده طبعا مهين للناس اللي بتتعامل معاه.. لانك طول الوقت حاسس انك بتتعامل مع شخصيه متعاليه متغطرسه أنانيه وده مفيش حد سوي يرضى بيه وف نفس ذات الوقت بيبقا حاسس انك بتتنطط عليه.. او انك تلاقي الشخص ده منطوي على نفسه وبيخاف يقرب من الناس لانه حاسس انه أقل منهم ف كل حاجه والنوع ده طبعا اهون من النوع الاول بس مشكلته انه تلاقيه بيحسب عليك انفاسك ويقارن نفسه بيك طول الوقت وحاسس انك بتتنطط عليه برضو نفس النوع الاولاني.. بس مش بيعمل اي ردة فعل غير انه يندب حظه من جواه او حتى بصوت مسموع.. ده غير ان النوعين بقا يتبعوا نظرية ان الكون متآمر عليهم وبيخطط ليهم حاجات وفلان بيكرهه وفلان بيغير منه وفلان عمل معايا كذا عشان كذا.. يوووووه موال رهيب فعلا..