توعية ضرورية

كل واحد يحذر من العضوة Amooonaaa إللي هي برده Moooonyy وكمان Maanona بتاعة الحب العفيف وتحكيلي عن نفسك وعن مشاكلك، دول عصبجية قاعدين بيلموا معلومات وتفاصيل شخصية عن أعضاء الموقع عشان يستخدموها ضدهم بعدكده، أهو اتفضلوا مش بقولكم عصبجية Zwag masl7a. حاجة جديدة: مواقع النت كلها بيبقى عليها برامج تعقب اسمها الكوكيز، موقع مودة بالذات بقى الكوكيز بتاعته بترصدك كمستخدم بمجرد وجود أي صفحة من صفحاته مفتوحة في المتصفح بتاعك حتى لو إنتى مش فاتح حسابك، وبمجرد ما بيرصد وجودك بيغير فوراً حالة حسابات الجنس الآخر الظاهرة ليكم من حيث وجودهم أونلاين أو أوفلاين، يعني بيبقى فيه حسابات أونلاين بيقلبها فوراً أوفلاين وبيفتحلك أونلاين حسابات كانت أصلاً أوفلاين قبل رصدك.........عشان تجيب من الآخر وتنجز: تدخل عالواتساب تشوف صورتها وتحدد معاها معاد ومكان مقابلة في حتة عامة، وعلى أد كده مترغيش في أي حاجة عالواتساب لحد أما تقابلها، وبعد ما تقابلها لو ميالين لبعض وفيه توافق ابقوا شغلوا خاصية تشفير محادثات الواتساب على جهازينكم وإنتوا في المقابلة عشان بعد كده محادثاتكم تبقى متأمنة،،،،،،،،،،،،،،،،،هام وخطير، حدث معي بالفعل: فيه محاولة قرصنة بتتم عن طريق الواتساب، بيحاولوا من خلالها المجهولين دول إنهم يقرصنوا بيانات ومحتويات الشريحة والهاتف، العملية بتتم من خلال إشغال الضحية في محادثة طويلة بالعبيط عشان يفضل النت شغال ويفضل الهاكر متصل بخط الضحية وبيحاول اختراقه، خلال العملية دي بيبقى واضح سذاجة محادثة الهاكر وخروجها عن الجدية، وبيبتدي اتصال الانترنت يركن كل شوية نتيجة محاولات الاختراق المكثفة. طيب تعمل إيه؟ لما تكلم حد من هنا عالواتساب كلمه من على شريحة وهاتف معليهمش أي بيانات مهمة، وخلال كلامكم لو لقيت المحادثة فيها استسخاف وايموجيهات ضحك وسخسخة عالفاضية والمليانة ولقيت اتصال النت قاعد بيركن كل شوية، ادخل بسرعة على اعداد الشبكة وغيرها تو جي ثري جي فور جي أياً كان، المهم تغيرها عشان الاتصال إللي الهاكر بيستخدمه يقطع ويضطر الهاكر يبدأ من جديد، ومتنهيش الكلام مع الهاكر، لأ سيبهم يتفشخوا في كتابة بقية المحادثة ومعاها محاولتهم المستمرة للاختراق من جديد وتيجي إنتي عالآخر وتقوم شايل الفيشة بتغيير إعداد الشبكة، جنن أمهم ولاد المتشردة دول إللي محدش عارف لهم ملة ولا هما تبع مين بالظبط،،،،،،،،،،،،،،،،،نصيحة: قبل ما تتواصل معاها راقب بروفايلها وخد منه سكرين شوت كتير عشان تشوف هي بتغير إيه في بياناتها، وكمان اكتب اللينك بتاع بروفايلها في جوجل وافتح صفحة حسابها الـ cached من هناك عشان تشوفها غيرت إيه في بياناتها، وكمان عندك موقع https:--web.archive.org-web--- اكتب عليه لينك بروفايلها وشوف صفحاتها القديمة لو موجودة، دعبس وراها كويس أوي عشان تعرف هي صادقة ولا كذابة ونصابة. !!!!!!!!!!!!!! إمتى تشك فيها؟: --لو كاتبة في بروفايلها كلام مثالي أوي. --لو مأفورة دور الفضيلة أوي، أصلنا في زمن فتاة الليل فيه بتمثل دور صاحبة الصون والعفاف عشان الزبون يآمنلها وتلهف كل إللي معاه. --لو من محافظة تانية خصوصاً لو محافظتها بعيدة، في الغالب إللي عاوزة ارتباط بعيد عن محافظتها دي بتبقى عايزة تهرب من حاجة. --لو بتسألك أسئلة مش وقتها خالص، زي مثلاً دخلك كام ورصيدك البنكي كام وممتلكاتك أد إيه. --لو مصممة تتعامل معاك عن طريق وسيط أو وسيطة، سواء كان حد من أهلها معارفها أصحابها أياً كان، ده معناه إما إنها عندها مشكلة بتخليها مش قادرة تتعامل مع الآخرين أو إنها بتصدرلك الوسيط أو الوسيطة دول عشان يلاعبوك عالشناكل. --لو مش عاوزة توريك صورتها، هي في الغالب حاطة صورها عالتواصل الاجتماعي لخلق الله كلهم، وتقدر ببساطة بالكمبيوتر أو بالتليفون ترسم خط على عينها عشان وشها ميبانش وإنتى متقدرش تستخدم صورتها بشكل وحش. --لو مش عاوزة تديك رقم تليفونها، هي تقدر ببساطة تخصص رقم تليفون للتواصل مع العرسان. --لو عاوزة تقابلك في مكان مش عام أو متداري أو في شقة أو بيت، هي لسه ما شافتكش ومتعرفكش يبقى إزاي تستقبلك في بيتها أو في مكان مش عام. --لو مش عاوزة تقابلك خالص، مهو هترتبط بيك إزاي وهي مش عاوزة تقابلك. --لو مش عاوزة توريك بطاقتها الرقم القومي في المقابلة، مهو هترتبط بيها إزاي وهي مش عاوزة تعرفك هويتها الحقيقية. --لو بتطلب منك أي طلبات مادية. --لو مش عاوزاك تعرف أي تفاصيل عنها أو عن أهلها. --خليك حذر