بكلم نفسى

واحد عادى جدا وطبيعى جدا فيه الحلو والوحش .. حد فيه كل حاجة وبيحاول يطلع احلى ماعنده رغم أن كل حاجة بتعاندك ..حد بيغلط وبيتعلم وساعات بينسى ويتعلم تانى ماهو الغلط مش عيب العيب ااننا ما نحاولش والغلط يخوفنا نجرب ونبقى ميتين عايشين .. حد متعلم ومثقف ومتفتح فى البيت لكن برة البيت بطبعى محافظ .. حد بيدى كل حاجة حقها ماعدا نفسه نسيها شوية ودا سبب دخولى الموقع اهى فرصة ادور على حق برة الموقع انت مش فاضى تدور عليه .. حد اقتنع أن الأرزاق نيات .. وان النية هاتجيبلك اللى شبهك بس صفيها .. الطيبون الطيبات.. وانك بتحصد زرعتك مهما عملت عمرك ما هاتاخد زرعة غيرك ولا زرعة مش ليك .. حد طول عمره أولوياته بيرتبها غلط .. بس تقريبا وصل لمرحلة الترتيب الصح .. وان الحب بالعقل امتع واريح من عشوائية القلوب فى الاحساس .. وان النضج فى المشاعر مش برود على قد ما هو تجنب لمراهقة احساس ممكن يدفعك اللى باقى منك تمن غلطتك.. حد تقريبا عرف أولها وآخرها واللى بينهم.. وان الملخص بتاعهم انا اللى بحدده .. انا اتخلقت حر من كل حاجة وعبد لله بس .. قوتى مش قسوة بس عقل ما انا لازم اسيطر عليا الاول قبل اى حاجة..اختياراتى اللى بيحددها الحلال والصح مش اللى بحبه وعايزه .. وهاحب الصح والحلال .. مش هاقنع نفسى أن اللى بحبه صح وحلال .. انا صراعى ومشاكلى مع نفسى مش مع حد ودا البنى ادم السوى .. اللى يفتكر مشاكله مع اللى قدامه يبقى غبى أو كسول .. الموضوع بسيط اوى .. افهم نفسك واعرفها وسيطر عليها هاترتاح حتى لو اللى قدامك متعب.. لكن تبقى حد تانى غيرك ماعرفش حتى لو كسبت العالم ساعتها هاتستفيد ايه ؟؟؟ انا كلامى دا ليا قبل اى حد .. اللى مايرتحش لكلامى اعتبرنى بكلم نفسى وانسى كلامى وربنا يرزق الجميع ويوفقهم للى فى مصلحتهم مش اللى بيحبوه