طيار مدنى 85

.انا بجد اتصدمت فالموقع الغريب والعجيب ده . هو فعلا البنات والسيدات الموجودة هنا دول حقيقين فعلا والأفكار دى والعقول دى موجودة فعلا . تقريبا الكل بيدوروا على شاب متدين وقايم نايم فى الجامع وهى مش بتصلى ولا محجبة وطبعا مظهرها ملوش اى علاقة بالدين . شاب ميسور وغنى عشان يجيبلها كل طلباتها وهى هتصبر ولا تعافر ليه مع شاب بسيط هنا هى اصلا بتحبه عشان تتحمل ظروفه . جميل ووسيم وامور وشعره ناعم وياريت لو يبقى براد بيت او توم كروز وهى اصلا ملهاش علاقة بالإنوثة . من عيلة ومركز ووظيفة مرموقة وفى بنات كاتبة تحديدا دكتور او مهندس او ظابط وكان بقيت الشباب دى مش بنادمين وليهم حقوق . إللى فات بقى كوم والنقطة إللى جاية دى كوم تانى . نفسى افهم يعنى ايه نتكلم فى الموقع شات فقط وبعدها بيومين نشوف بعض مرتين فى خلال أسبوع وممنوع كلام فالتليفون اومال هنتقابل ازاى اصلا مش عارف. بعدها بعشر أيام تعمل خطوبة رسمى وياريت فترة الخطوبة متطولش وعشان انا وانت نرتاح وعشان تثبتلى انك راجل وجد وقد المسؤلية ياريت بلاش خطوبة اصلا ونتجوز على طول . نفسى افهم تركيبة العقلية إللى عندها استعداد تخاطر بحياتها ومستقبلها وتامن على روحها مع شخص متعرفش عنه اى حاجة متعرفش حتى عيوبه من مميزاته ولا عندها اى مشاعر نحيته وخاصة بقى لو هى مطلقة اللى هى المفروض تبقى اكثر حرصا وتخوفا من الفشل . بجد شىء عجيب وغريب وانا فى صدمة