Mohamed_Ahmed_3

اسمي محمد من القاهرة 38 سنة مدير مشاريع في شركة كمبيوتر متزوج و عندي طفلين مع والدتهم أرغب في زوجة ثانية حالتي المادية متوسطة .. مش غني و مش فقير و الحمد لله .. زي ما بنقول في مصر .. مستور و الحمد لله هاديء جدا .. مرح .. رومانسي .. حنون .. غيور .. أ‘رف كيف أتعامل مع المرأة بكل احترام و رفق و حنان و إهتمام متسامح مع كل الناس .. ما عدا الظالمين متمرد علي كل ما هو تقليدي .. لا أقبل كل ما هو مفروض .. إلا إذا كان الشيء المفروض او التقليدي فيه حق و منفعة للناس و المجتمع لا أعرف و لا أعترف بالمستحيل عاقل و عقلاني و مجنون بحب السفر و الخروج و الرحلات أحب العلم و القراءة في مجالات العلوم و التاريخ و السياسة و الإقتصاد و الفلسفة و الأديان المختلفة أحب تعلم اللغات مبدأي في الحياة ان كل شيء ممكن ان يحل بالعقل و التفاهم .. فلا مجال عندي للعصبية و المشاكل .. فالحياة قصيرة جدا و لا تستحق ان نضيعها في ما لا ينفع او نهدر وقتنا و طاقتنا أظن في نفسي اني شخص عادل و أكره الظلم .. أكره ان أظلم او يظلمني أي شخص أظن انا كتبت بياناتي بكل وضوح و كتبت انا عايز ايه من غير لف او دوران أو أخفي أي شيء .. الي شايفة ظروفي مناسبة ليها .. أهلا و سهلا بيها .. ممكن نتعرف و أتمني يكون في قبول مشترك بيننا يا بنات الله يهديكم و يهدينا .. انا كاتب كل شيء عن نفسي بكل صدق و صراحة و أعتقد ان من حقي أفعل أي شيء طالما كان حلال و من حق الطرف الآخر يقبل او يرفض .. الله يسامحكم انا شفت ردود عجيبة علي كلامي و اتشتمت شتايم حلوة هههههههههههههه أحب أأكد لكم ان عيني مش زايغة و مش بتاع ستات زي ما اتبعت لي .. بالعكس .. انا لو عايز أمشي في السكة دي .. مش هاجي هنا خالص و مش هكتب التفاصيل الي فاتت دي كلها .. الي عايز يمشي في السكة دي بيكتب كلام مختلف و بالمناسبة الموضوع بقي سهل أوي زي ما أنتم عارفين او بتسمعوا لو انتي استحملتي الكلام الي فات و وصلتي للسطر ده يبقي خليني أكمل و أقول انا عايز ايه انا مش عايز زوجة بالمعني التقليدي .. مش عايز واحدة عشان تطبخ او تكنس او تكون وظيفتها ست بيت انا عايز واحدة لها مواصفات معينة تكمل الأشياء الناقصة في حياتي و فشلت اني أجدها و بالتالي لازم تكون ظروفي مناسبة ليها و تكون هي كمان لها نفس أهدافي او بتبحث عن نفس الأشياء اذا كانت تفتقدها من أبحث عنها و ارغب في الأرتباط بها .. تكون واحدة ذكية و مثقفة و طموحة و غير كسولة .. تكون صديقة و حبيبة .. يكون لها أهداف في الحياة أكبر من انها مجرد تضيع عمرها او تعيش اليوم بيومه أهدافي في الحياة كثيرة .. منها العمل خارج مصر .. و منها السعي لأن يكون لي الشركة الخاصة بي في يوم من الأيام ان شاء الله اخيرا .. لو استنتجتي من كلامي السابق اني مجنون مثلا او أبحث عن إبرة في كوم قش .. فأنتي علي حق و انا أعرف ذلك جيدا