الغني من التعفف

السلام عليكم سيداتي .. اسمعن نبي انسانة تقدر اتحب تفهم ماذا يعني الحب حقيقي تقدر اتحب انسان اتحس بيه حتى من خلال كلماته وحروفه .. انسانة ما تنظرش للمظاهر ولا ايهمها المظاهر ... اني امفلس ما عنديش افلوس ولا مسكن ... نبي انسانة تبحث عن روح عن ثقافة عن تعليم عن مضمون مش على مظاهر .. نبي انسانة تبي تتزوج مش كزواج بحذ ذاته مش تبي راجل وحوش اهو برستيج قدام صاحباتها واهلها وخلاص نبي انسانة تبحث عن نصفها الاخر على انسان ايكملها في الاطموحات والاحلام انسانة كان تلقى تطلع برا لايبيا اتهاجر بعيد على هالمتخلفين نبي انسانة طموحها من طموحي تبي اتطور من نفسها تبي تقرا برا تبي اتحضر دكتوراه زيي .. نبي وحدة اهدافي يتلاقن مع اهدافها .. منبيش انثى وخلاص نبي ند ليا في التفكير وفي الشخصية .. نبي مرأة عصرية متحررة في افكارها وفي لباسها وياريت حتى طالقة شعرها .. اتطون متحررة من كل شي نبي وحدة تلبس ما تبي .. اتكون محترمة في مضمونها مش دايبرتلي نقاب غير للرياء .. نبي حتى كنهي تلبس في نقاب اتكون لابساتها وهي مقتعة بهالشي .. نبي وحدة قوية متحررة من كل تقاليدنا المتخلفة ومن جهلنا المفقع .. نبي دكتورة .. دكتورة في كل شي .. مجتهدة مفكرة مبدعة .. فنانة .. نبي حاجة راقية .. نبحث عن الرقي عن الكمال .. منبيش مراه وخلاص .. نبي وحدة اثمتلني .. ونبيها جميلة وطويلة ورشيقة مهتمة بجمالها .. انيقة في اسلوبها وكلامها ولباسها .. راقية مثقفة .. وبالله المتخلفات اللي اول سؤال عندهن اه شنو عندك حوش .. انت من وين .. تسكن في طرابلس ... عندك سيارة .. انتن بالله متكلمنيش .. وامكتاعت لا صورة مستحيل .. تعال دفها مشوار 200 كلم وتوصف في نفسها ملكة جمال وبعد توصل .. تندم عالوقت اللي ضيعته .ز ليش الكذب مش حلوة قولي اني مش حلوة .. ممكن انشوف فيك اشياء تانية حلوة وممكن نقبل بيك .. لكن خليك صادقة في كل شي .. ليش النفاق الزواج عمر مش ضحك ولا فخ بتنصبيه ... نبي حب من اول نظرة .. منبيش وحدة مش مؤمنة بالحب قصة ايبزوجوك اهلك هاذي جربتها وخديت بزواج تقليدي وندمت .. معاش نبي انكررها .. هالمرة نبي نتزوج انسانة ايرفلها قلبي من اول متتصل بيا وحدة اول منشوفها انحبها نستريحلها .. نبي وحدة محترمة المضمون .. من عائلة مرموقة .. مرموقة مش معناها عائلة افلوس .. ولا في مستوى اجتماعي معين .. عائلة مرموقة يعني عائلة علم وثقافة وفكر .. عائلة مت-اصلة عائلة تتشرف انك اتناسبها .. نبي وحدة خوتها عاطينها حريتها . وحدة قرارها عندها وكلامتها عندهها وتعرف مصلحتها .. مش اتاثر فيها صاحباتهاغ في قرار زواجها وتسمع لنصائحهن .. نبي وحدة اتحس بيا احساس واتبع قلبها .. توثق فيا من خلال كلماتي وحروفي وتتواصل معاي روحيا قبل لحتى اتشوفني ولا اتراسلني ... نبي الانسانة اللي نبحث عليها طول عمري .. انسانة تستاهلني .. انسانة بمستواي الفكري والثقافي .. وحدة تتكلم لغات .. مثقففة متعلمة تلبس ما تبي واتدير ما تبي واتسافر بروحها .. متشدهاش اي تقاليد ولا حدود على احلامها وطموحاتها ما دام هي مقتنع بان اللي بتديره هو الصح وهو الايجابي ولا اياثر في دينها ولا شرفها .. نبي وحدة تفهم ان الدين في المضمون مش بالمظاهر ولا الرياء .. نبي وحدة اتحبني بصدق وحدة تقدر اتحب بصدق واتكون سند مش غارقة بتغرقني معاها انا بروحي غارق نبي من ايشد بيدي نبي من ينقذني وايوريني الطريق .. مش تعبي على راجل بيجيبلك كل شي .. نبي وحدة تفهم ان الحياة تشارك .. مش راجل برستيج وكرطون كر جيب مش عارف شنو ودايرتيه برواز ولا تفهمي لا في حياة ولا في تربية اطفال ولا شي هك عالة وخلاص .. يكرهك واتكرهيه في عمرة .. نبي انسانة اتشاركني حتى في عملي واتدبر عليا .. دير هك لا متديرش هك .. وتسال واتشارك بالافكار .. مش ميهمهاش ومدخلهاش وتبي حاجتها توصلها ومليهاش غلاقة ... وما تفهم من الزواج كان المطبخ والصغار والراجل تعرفه كرطون ايكركر وحلاص