victoryaa

بالله عليكم .. اللي يخش ويقرا بياناتي يدقق كويس فيها اني كاتبة في خانة نوع الزواج - الوحيدة - يعني ما عنديش رغبة نرتبط بانسان متزوج فياريت ما تحطونيش في موقف محرج وملاحظة تانية -- اللي يخشلي بالكلام المعسل يحساب روحه بيضحك عليا يخطاني لأني مش خاشة ندور في علاقة والا خاشة نتسلى .. تبي تخطب ترتبط بالحلال اهلا وسهلا والتزم بقوانين الموقع .. اما لو تبي تتسلى وتضيع وقت اخطاني وما تنساش انك اقسمت يمين .. والحاجة الثالثة -- ياريت ما يراسلنيش حد عنده صغار والله ماهو كره ليهم بالعكس .. بس لأني نخاف ربي هلبة ونخاف نظلمهم او نقصر في حقهم في النهاية اسمي زوجة اب ... واللي بيطلب مني رقم الهاتف نقوله لا ما تتعبش روحك .. الموقع هكي سياسته .. هلبة لما يطلبو مني رقم الهاتف ونرفض نعطيهولهم ينقلبو ويبدو يشتمو ويقولو كلام غير لائق .. نرد عليهم ونقوللهم هادي اخلاقكم ما عندي ما بنديرلكم .. اني خاشة هني نبي نعف نفسي ما نبي ندير الحرام ... وكوني رفضت نعطي رقمي مش معناها اني مش كويسة زي ما نعتني اللي خاشيين يتسلو واللي كل غرضهم رمي الاهانات بسبب ومن غير سبب .. حسبي الله ونعم الوكيل فيهم والله ماني مسامحة اي شخص اهانني ...