السآجدة لله

السلام عليكم .. مادري شقول عن نفسي بس اول شي واهم شي محافظه ع صلاتي ولله الحمد واخاف الله عشان جي لجأت لهل موقع عشان ادور ع الحلال وبس في شي يرضي الله وما يغضبه .. ثاني شي صفاتي ومواصفتي ابتدي واقول اكره الكذب بشكل مو طبيعي ، نادرا اثق بحد وبكلامه الا اذا كان بافعال ، صغيرة العمر لكن الحمدلله الي انعم الله علي بكبر العقل واقدر اتعامل مع كبير وصغير ، صح احب السوالف والضحك مرحه بمعنى اخص لكن عند الجد جد ، قوية الشخصية بس اكيد ما بطلع هالقوة ع زوجي المستقبلي بس ظروف الدنيا تجبر الانسان ع هالقوة ، احن عن قلبي مافي لدرجة ساعات اكره هالحنيه ، محترمة وخلوقه والحمدلله ع تربية اهلي ، احب لمات الاهل، اجتماعيه بس اكيد الي ما ارتاحله اكون هاديه قدامه بس الي يدخل القلب تطلع العفويه كلها ، طفولية الملامح ع قولتهم كلي ع بعضي حبتين ، ثقيلة قدام الغريب وطفلة قدام الي احبهم ، اكره ما عندي اشوف حد زعلان لزوم اواسيه واضحكه واطلعه من الي هو فيه فكيف لو كان زوجي ؟ بكون معاه فالسراء والضراء اي سنده يعني ، رومانسيه بس اكيد هالشي بيطلع لزوجي وبس:- ، الحمدلله محافظه ع جسمي وعقدة حياتي السمنه ، هيه صح مولودة في بوظبي وطول عمري هني عشان جي العرق ضارب عندي نفس م يقولون من عاشر القوم .... والباقي فيما بعد واكيد مو كل من هب ودب يعني بتواصل وياه لنه الصراحه مو اي احد ارتاحله وخصوصا الناس فهالموقع مشكوك بامرهم وبصدقهم وبجديتهم ، الوحده وظروف الحياه تجبر الانسان يدور ع نصفه الثاني ويكون سنده بهالحياه ،والسموحه من اي حد اذا م رديت عليه بس اتمنى يكون داخل الامارات لنه قلبي متعلق فيها..