العشق الممنوع 3

بعض العرب حبه يوردك الجنون ولا يوصف له غلاه حكاك له--مايقنعه وصف الغلا لو وش يكون لوكل حرف بالحرير يحاكله--الموت جاك وهو تقلبه الضنون ولا لك الا الصبر وش وداك له--ان قلت ضايق قال هونها تهون مايدري ان ضيقتك له وبكاك له--تقعد تحبه وانت ساكت ومغبون يمكن بيوم يقاله موفاك له--وكانك مشكك هو يمون او مايمونﻻتخيل ان عفت الصبر فرقاك له--غلاه من فوق الغلا ماهو بدون وحكاه سمعك يجبرك برخاك له--ودك تحطه في العيون من العيون وتبسط على رمل الثراء يمناك له--وتظله من الشمس في ظل الجفون ولا يمر اذنه سوا لباك له--وتسج من غيره لو انهم يذكرون ومن وين ماسقت القدم ممشاك له--غروا" يميله الغصن ميل الغصون غصن الليان ومكرمه بسقاك له--وجديله اليا اقفى ستر منها متون كني بريحه لا التفت بدعاك له--كيك وعسل لاكن ماهو في صحون ودعات من عين الحسود غطاك له--الله لايعطيه ناس ينظرون ويستر عليه من النحل لا ياكله--ناس عن اعراض العرب ما يعرضون ودايم على نفس الشكل والشاكله--اللي من لحوم الاوادم ياكلون وحلوقهم دفع البلا متواكله--في سلمهم اولى بالاكل الاقربون واطيبهم اللي صيدته شكواك له--يدعيهم الشيطان ل الذنب ويجون هذا يقطع له وذاك يواكله--ياجعلهم فدوة ثرى الغض الفتونﻻاللي على الدرب الطويل خطاك له--طيفه اذا نام البشر زارك بهون وطيفك اذا نام البشر سراك له--حبه دفان ومقبرة خبر الطعونبين العظام العوج كنك ناكله--اللي كذا حبه لو تموت مغبون ولا لك الا الصبر وش وداك له