s.ad

السلام عليكم جميعا ... 1-4-2015... بعد 5 اشهر تقريبا بالموقع قررت الانسحاب منه .... هدفي كان واضح وصريح من البدايه مادشيت هني الا لني جاده وصادقه بس الحمدلله علي كل حال ما صار لي نصيب .... اكثر لي صادفتهم رغم ان برفايله يظهر كلام راقي و محترم الا ان هدفه بعيد كل البعد عن الصدق والقسم الي اقسمه باول يوم سجل فيه !!!! يعني قسمه مجرد كلام فاضي ( وهذه صارحني فيها اكثر من عضو ) حتي يضمن ان اي وحده ممكن تظهر اهتمامها وعقب يبين العكس ولاحظت بعد المجاهرة بالمعصيبه بطريقه اتخوف طبعا ماراح أعمم لان التعميم لغة الجاهل ومتاكده ان في ناس صادقه مع نفسها بالمقام الاول وجاده بالموقع وتخاف ربها ولكن ماصار لي نصيب والتقيت فيهم .... واستغرب من كل واحد او وحده مسجلين هني من ١٠ سنين وزياده وبعدهم بالموقع !!!!!! شو هدفكم ؟؟؟؟؟ هل انت او انتي مقتنع-مقتنعه بسبب وجودك-ج ؟؟؟؟ مجرد سؤال ؟ ... مثل ما انا دشيت وانا واثقه من نفسي وصدق رغبتي متاكده ان في شباب وبنات لهم نفس الهدف ونصيحتي لهم اذا انت جاد او جاده برغبتك لا تم وايد هني وتضيع وقتك - ج ... كمل - ي رحلة بحثك بس خارج هالمكان لان بالنهايه النت كان وسيله لنا نعم استخدمناه مع اننا بمجتمع لا يؤمن بعلااقات الزواج والتعارف بقصد الزواج من النت و لكن كان بالنسبه لي ولبعض المسجلين هني وسيله تحتمل النجاح او الفشل ومجرد محاوله ما تقلل من شان اي واحد يخاف ربه دامنه صادق وجاد والحمدلله علي كل حال .... اشكر كل من حاول يتواصل وياي باحترام وما صار نصيب لعدم توافق بروفايلاتنا والله يهدي كل شخص دش هني يلعب بمشاعر الناس وتذكر ( كما تدين تدان ).... استودعكم الله الذي لا تضيع ودائعه ... السموحه طولت بس ما حبيت اخلي بخاطري هالكلام هههههه ... ربي يحفظكم ويسعدكم جميعا و يرزقكم بالازواج والزوجات الصالحات .. مع السلامه