خالد-40

الحياة رحله والجميل ان تكون مع الشريك المناسب .. أنا دشيت الموقع على أمل اني الاقي ريال يخاف الله ويستر علي ، بس للأسف سقطت فريسه لشخص ما يخاف رب العالمين ، واحد عطاني من طرف اللسان حلاوه وخلاني اصدق ان نيته صافيه ، بس بطريقة ما قدر يستدرجني وياخذ فلوسي ، بعد ما كنت جاهزه اني اسلفه لانه كان محتاج فلوس ، بس سرقني !!!! ، ونا الوم نفسي لأني انجرفت بمشاعري وصارت ثقتي عمياء لدرجة ما اتوقعت منه هالشيء. الريال كان يستخدم الموقع بهالاسم (خالد-40 ) ، يقول ان اسمه خالد النعيمي بس هذا كله كلام و مجرد اسم مستعار يرتب فيه الفلم ماله ، وقدرت ادخل على بروفايله بعد ما حذف عضويته عن طريق الادارة ، واحمد رب العالمين ان عطاني فرصة انبه البنات اللي كان يكلمهم عنه. عشان جي كاتبه هالكلام هني . اتمنى لو حاول يتواصل وياج تكوني حذره معاه ، ولو عندج أي معلومات ممكن تساعدني أجيبه ، اتمنى ما تبخلي تخبريني عنه ، عشان يعرف ان الله حق ، وان النصب والاحتيال له نهايه. وأن استخدامه الموقع لاغراض اجراميه ما راح ينسكت عنه ، وان الله فوق ويشوفه ولو محد حاسبه فالارض ،، راح ينحسب يوم القيامه قدام رب العالمين ونصيحتي له ،، يندم على اللي يسويه ويرد فلوس العالم ،، ولا بيندم طووووول عمره ،، الله يبعد عنكم أولاد الحرام ، ويحفظكم بحفظه ،، والسموحه طولت عليكم خواتي الحبيبات اختكم ، المصدومه ):