النبع الجاف

أنا شاب بسيط جدا .. طموح لأقصى حد .. طلباتى بسيطه و مشروعه ، مش بطلب مستحيل و لا بطلب حاجه مش من حقى .. مش بحب زواج الصالونات أو أن حد غيرى يختار لى شريكه حياتى .. انا بحب مصر بلدى و رئيسها الحالى وقواتها المسلحه ، ولو حضرتك عايزه تتزوجى عشان جوزك ياخد بأيدك للجنه انا مش واسطه عشان اوديكى الجنه ،، الجنه طريقها معروف ، امشي فيه هتوصلي بأذن الله ، ولو عايزه تتجوزى عشان الاحتواء والكلام الكبير ده و اللى اصلا حضرتك مش عارفه يعنى ايه احتواء اصلاً ـ انا لا بأحتوى حد و لا عايز احتوى ، انا كل اللى بطلبه شريكه لحياتى ، نسعد مع بعض ، نخرج و نسافر ، ونعيش الحياه بكل جنونها وفنونها ، اتزوج انسانه اثق فيها ، اشعر بالفخر انها بتحمل اسمى ، اللى عايزه راجل شرقي يذلها و يتحكم فى انفاسها ، انا مش الراجل ده ، اللى تحب تتزوج عشان تعيش دور الجاريه انا مش هارون الرشيد ، ولا احنا فى زمن الجواري ، و لا انا ضعيف الشخصيه عشان اسمع كلامك وانفذه ، انا رجل عادى ، اسمح لك بالنقاش بالحوار لكن الجدال العقيم لاء ، حليق الوجه ، لا ملتحي ولا بحب اللحي ، ظاهرى ذى باطنى ، لا هطالبك بمشاركه فى اثاث و لا هفرض عليكى نقاب ، تتنقبي لنفسك تتحجبي برضه لنفسك ، مش عايز قصص حب هزليه قبل الزواج و لا فيه وقت لخطوبه ، عايز اتزوج فى موعد اقصاه شهر من عودتى لمصر اللى هتكون قريبه ان شاء الله - وصلنا أم الدنيا ب 1000 سلامه - .. واي استفسار انا حاضر