Arch.MO

مش عارف ابدأ منين او ازاى بس ببساطة انا شخص فيا شوية تناقضات مخليانى دايما زى الاعصار...فانا مش شخص هادى او مسالم وفي نفس الوقت مش بحب المشاكل او بسعى ليها...انا شخصية بتتمتع بالجنون وحب الاشياء الغير التقليدية وفي نفس الوقت جنونى دا بقدر اسيطر عليه بعقلى وتفكيري...يعنى بعرف اوصل لأخر حدود الاشياء بأقل الاضرار ومن غير مالدنيا تهرب منى ودا انعكس على شغلى فانا مهندس معمارى ومهندس ديكور وجنونى كان سبب في نجاحى في مجال عملى..-ثانية واحدة قبل ماتفكرى وتاخدى عنى فكرة انى طايش ومستهتر ومقضيها خليكى عارفة ان في عز جنونى واستهتارى انا كنت بعرف اذاكر وادخل هندسة وعرفت انجح فيها-وبعدها اشتغل وانجح في شغلى..في عز جنونى انا مسئول عن شغل بملايين في مجال المقاولات والعقارات..انا مسئول عن موقع واتنين وتلاتة بمشاكلهم ومقاولينهم وعمالهم وصنايعيتهم-...مش قولتلك في الاول انى مليان تناقضات..انا شخص هادى في الزحمة والزيطة وانا الشخص الفرهود اللي بينكش صحابه ويعمل جو للمكان في وقت الهدوء....انا برج الاسد وتقريبا 99- من اللى مكتوب عنه بينطبق عليا...انا مش شخصية مثالية ولا بعمل كل الصح انا فيا عيوب وبعمل حاجات كتير غلط لكن دايما بحاول اعمل الصح...ماتستنيش منى انى اكون انسان مصطنع زى معظم اللى هتقابليهم هنا وهرسملك الحياة بمبى واحسسك انى خامس الخلفاء الراشدين من كتر التقوى والايمان وانا في الحقيقة مش كدة...انا هاكون انا بعيوبى ومميزاتى وهقولك عيوبى قبل مميزاتى مهما كانت عشان ماتقوليش في يوم انى خدعتك او كدبت عليكى او غشيتك وانتى صاحبة القرار وتقدرى توزنى بعقلك الانسان اللى قدامك اذا كان برغم عيوبه دى هو انسان كويس وتقدري تعيشي معاه ولا لأ...وخليكى دايما عارفة انا مش وحش اوى كدة بالعكس هتكون محظوظة جدا في حياتها اللى هتقدر تكون مراتى وشريكة حياتى...اه نسيت اقولك انا بردو بصلي ومحافظ على الصلاة و بتقى ربنا في شغلى واكيد فيكى :-