شباب والله حرام

طيب وحنون وبس!! ماطلب شي انا!! شباب انا تعمدت اكتب اللقب هذا!! وكلامي ابي اوجهه لبعض الشباب اللي بالموقع٠٠اللي قعد يلعبون عل بنات الناس ويستغلونهم٠ماتخافون ربكم والله حرام عليكم اللي قعد تسونه٠ترى الدنيا دواره ماتخافون يصير الشي هذا في اقرب الناس لكم؟! كل همكم الوناسه وبس٠انا يوم كتبت الكلام هذا الله وحده العالم بحالتي النفسيه٠يشهد الله اني دشيت الموقع عشان ادور الستر٠مادشيته عشان العب ولا عشان اكون علاقه وحب وبعدين زواج٠انا دشيته وانا ابي زواج يعني ابي شخص فعلا يكون جاد مايوهمني انه يبيني واخر شي بعد مايعرف عني كل شي يقولي انطري علي جم شهر وجم سنه لاني ابي اول احبج وبعدين اتقدم!! بالله شنو الكلام هذا؟؟ معقوله للهدرجه في ناس تافهه وانا مااعمم كل واحد وطريقته بالزواج بس انا اقصد للي قعد يجذب عل البنت ونيته عكس مايقول٠هذول اهم اللي اقصدهم واللي معروفين بأسم الذيابه٠والله العظيم اني يوم دشيت الموقع دشيته وانا عل امل اني القى نصيبي فيه بس تفاجئت من الناس اللي فيه٠ماعندهم ذره انسانيه كل همهم وناستهم وبس والبنت المسكينه اهي اللي تروح فيها٠ماتدرون شلون لعبتو بنفسيتي انا وكثير من البنات٠والله اني حيل تعبت نفسيا٠كل ماابي افرح القى العكس٠ليش مو راضين تفهمون ان في بنات شريفات عفيفات مايبون خرابيط والله مايبون الا الستر٠اللي يبي يلعب يروح للبنت اللي تبي نفسه لان الطيور عل اشكالها تقع. بس البنات الشريفات اللي يدورن الستر شنو ذنبهم؟؟؟؟!!!!! والله حراااااام اللي تسوووووونه ماتدرن شلون نفسيتب الحين من اللي قعد اشوفه واسمعه٠٠ومع هذا لازال عندي امل لان الامل بيد الله سبحانه مو بيد البشر٠