يبل

أنا كنت حاطط صفات كتير للفتاه اللى ممكن أحبها وأتجوزها ♥♥ واللى كنت بحلم بيها . زيي زي كل شاب حاط صفات لفتاه مستقبله. أولا انها تكون فائقه الجمال , جميله فوق العاده علشان لما أصحي من النوم وأبصلها ... أحسن ان بدر نزل من السماء وقعد جنبي فأبدأ يومي بتفائل وابتسامه لكل شئ حوليا. بس اكتشفت ان الجمال مش كل حاجه , وان الحب مالوش قيود ولا صفات. لأن قلبك مقفول بباب ناس كتير بتيجي تخبط عليه وانسانه واحده من كل اللى حواليك هيا اللى هاتزوقه برجليها :D وتفرد دراعتها وتفتحه مش بمزاجك دا غصب عنك ومش بعيد تخبطك قلمين كمان وهيا داخله :D ذي الفتاه اللى أقتحمت قلبي♥♥ صحيح هيا مش جميله أوى في نظر كل اللى حوليا بس في نظري أنا ملاك نازل من السماء مش جميله اه بس بشوف فيها جمال الدنيا كلها :- وبردو زي ماكنت بحلم بيها جميله ذي البدر تنورلي طريقي كنت بحلم بيها انها تكون أصغر منى سنتين تلاته . اعتقادا منى ان بكدا أحس انها طفلتى ملكى أنا فتاه تكون صغنونه شقيه وعنيها بتق شرار :- أبق كل حاجه في حياتها أبوها زوجها أخوها ابق انا الشخص اللى بتاخد رائيه وابق أنا الشخص اللى بتسمع كلامه وابق أنا الشخص اللى بيحتويها وقت حزنها وضعفها وكل وقتها. ابق أنا الشخص اللى لما يبقي خارج رايح مشوار تشبط فيه وتمسك في رجليه وتقوله ماليش دعوه خدنى معاك بقي وانا مارداش وأقولها لأ, تقولى طيب تأخدنى معاك وأعملك كيك. اقولها بردو لأ مش بحبها وأنا أصلا بموت فيها. تقولى طيب بلاش كيك تأخدنى معاك وأديك بوسه ^_^ أقولها بوسه واحده بس ؟♥ تقولى هاديك اللى انت عايزه بس يالا بقي خدنى معاك. أئنجشها وأخدها معايا وأحس ان ملكه ماشيه جنبي :- انا وهيا نبقي حاجتين بنكمل بعض ولو بعدنا عن بعض نموت. بردو طلعت مش أصغرمنى وحسيت معاها بكل دا وحسيت انها مش طفلتى وبس , حسيت ان أنا كمان طفلها طفل بترعاه وبتغرقه في حنانها ومشاعرها:-♥ .... .... ... كل اللى عايز أقوله ان كل واحد فينا حاطط صفات للانسان اللى ممكن يرتبط بيه بس بعد كدا يلاقي الحب مع انسان تانى خالص انسان مالقاش فيه الصفات اللى كان عايزها بس لقي معاه كل حاجه هو كان محتاجها. لقي كل حاجه بيتمناها. وأنت كل حاجه بتتمناه أطلبها من ربنا وصدقنى هاتلاقيها وهاييجي يوم هاتحب وهاتتحب وهاتعيش الحب. وهاتبقي في أوقات أسعد واحد في الدنيا. بس لما تلاقي الحب حافظ عليه لانك حصلت عليه بصعوبه وصدقنى من السهل جدا انه يطير من ايديك لو ما احتوتش الشخص اللى بتحبه كويس وحطيت أساس متين لحبكم وخليتوه حب صادق قايم ع المحبه والتسامح. ولازم أساس حبك تكون الثقه المتبادله بينكم. وصدقنى مهما كبر الحب ومهما مر بتضحيات علشان تفضلو مع بعض لو الثقه اهتزت بينكم الحب هايضيع في ثوان هايضيع وبدون مقدماات. ونصيحه منى لو بدأ الحب يدخل قلبك وانت شايف انه في يوم من الايام حبيبتك مش هاتكون زوجتك بلاش تدخل في دوامه الحب وابعد ابعد أحسن وماتظلمش انسانه معاك. وترجع في الاخر والظروف تبعدك عنها. بس لو حبيت بصدق وشايف ان فيه أمل وممكن الانسانه دي تكون ليك قرب..ومع كل خطوه بتقربها منك ادعي ربنا انها تكون ليك ويحافظلك عليها. وراعي ربنا فيها وفي كل كلمه بتقولها ليها. صدقنى ان شاء الله هاتكون من نصيبك هاتكون زوجتك وحلم حياتك اللى طالما حلمت بيها♥