Ahmed el dal

بسم الله الرحمن الرحيم السلام عليكم ورحمه الله وبركاته معلش أنا هاكتب قصتى كامله مع موده أنا كنت اول مره ادخل موده سنه ٢٠٢١ واتعرفت على بنت كانت جميله جدا وارتاحنا لبعض بس بصراحه ظروفى وقتها مكنتش احسن حاجه لأسباب كتير واتعرفنا حوالى ٤ شهور وبعدين هى بعدت بسبب خلافات او بسبب انها جالها عريس جاهز المهم بعدنا وانا حياتى بعدها بالظبط اتغيرت ١٨٠ درجه والحمد لله ربنا كرمنى جدا ومازال الحمد لله وبصراحه الفتره دى مكنتش بفكر اتجوز خالص سنه ٢٠٢٤ رجعت البنت اللى اتعرفت عليها هنا تكلمنى وبصراحه استغربت لان كان عدى حوالى سنتين بصراحه فرحت وقولت دا من عند ربنا وبصراحه انك تلاقى حد متمسك بيك هى حاجه بتخلى الانسان عنده طاقه وسعاده رهيبه قولت تمام واتوكل على الله المهم خرجنا واول مره اشوفها بعد السنين دى كان شكلها متغير جدا وحسيت بعدم راحه رهيب مش فاهم كان ليه مع ان هى هى نفس الشخصيه اللى كان شكلها حلو المهم بدأنا نخرج بس من جوايا مش مبسوط مش زى اول مره شوفتها مره ف التانيه وف يوم كنت مسافر وكنت قايلها وخلصت اللى ورايا وروحت ع الشغل بتاعها واستنيت لقيتها مروحه مع حد بعربيته اليوم دا كان صدمه بالذات لما سالت وعرفت انوا اخو صاحب الشركه وسمعته اسواء حاجه ف الدنيا وقتها فعلا كان احساس صعب جدا بس أنا من النوع اللى مبحبش اظن سوء ف اى حد المهم سالت على الشركه وواحد صاحبى جوز اخته كان شغال ف الشركه دى وعرفت ان البنت دى ماشيه معاه وشوفت صورها عارف احساس انك تكون مغفل بس الحمد لله انى عرفت وسيبتها وهى كانت بتتكلم زى ما اكون لعبت بيها ورميتها بعتلها صورها اللى كانت موجوده مع الناس عادى ونصحتها تتوب لربنا وتتجوز الشخص اللى معاها بدل ما تاخد حد طالب الحلال ومعملش حرام أصلا المهم رجعت موده تانى المره هنا فى ناس دايما بتشتكى من الكدب بس فعلا فى ناس محترمه كتير هنا عشان كدا كنت حابب موده المهم قابلت واحده بنت ناس ومحترمه واتعرفنا والموضوع كان ماشى تمام والدها توفى وف نفس اليوم خالى عمل حادثه يعنى هو موضوع ملخبط شويتين المهم محصلش نصيب وكان السبب فيا أنا بصراحه بس اكتشفت حاجه هنا ان ف ناس بتكون غلطت وجايه هنا عاوزه حد يشيل الغلط دا ف نصيحه الحرام اخره وحش ووحش اوى وحتى لو الانسان بيغلط ومفكر نفسه ذكى ف ربنا بينجى الانسان ف الانسان لو غلط الاولى يتوب لربنا مش يعمل مصيبه اكبر وربنا يبعد كل الناس عن الحرام ويرزق شبابنا الهدايه للطريق الصح والبعد عن الحرام