Je suis Queen_Rose🌸, 27 ans, de Tunisie, à la recherche d'un mari, et mon identifiant sur Mawada est 12457064.

Adhésion premium

Nationalité, Résidence et Statut Familial

أنا إنسانة نعرف روحي ونقدّر التفاصيل الصغيرة. بطبيعتي حنونة، مهتمة بالناس اللي نحبهم، نسمع، نعاون، ونحب نكون مصدر راحة وسند للي معايا. نحب الضحك، الفرح، والمفاجآت البسيطة اللي تصنع ذكريات حلوة. أنثى ونعتز بأنوثتي، ونحب نعيشها في إطار يحفظ قيمتي ومبادئي. نؤمن أن الزواج موش مجرد إعجاب أو كلام حلو، أما معرفة، تفاهم، مودة، رحمة، ومسؤولية من الزوز. ومازلت ما لقيتش الشخص المناسب، رغم أنو تقدّمولي برشا ناس، أما بالنسبة ليا موش المهم قداش من شخص يجي، المهم نلقى الشخص اللي نشعر معاه بالراحة والطمأنينة ونكونو ماشيين في نفس الطريق وبنفس النية .........................................................................................⚠️ وحاجة نحب نوضّحها: ما نطلبش ردّ فوري، وكل واحد عندو ظروفو، أما نحب التواصل يكون واضح ومتبادل. التأخير المتكرر أو الانقطاع من غير توضيح، بالنسبة ليا يدلّ على عدم الجدية، وساعتها نفضّل بكل احترام نوقف التواصل

نحب رجل يخاف ربي بالفعل موش بالكلام فقط، واضح مع روحو ومعايا، يعرف شنوّة يحب وشنوّة يحب يبني، وكلمتو تتبعها أفعالو. نحب فيه شخصية قوية فيها حكمة وثبات ومسؤولية، موش قسوة ولا سيطرة. يكون حنون، كريم في أخلاقو ومشاعرو، يحترم المرأة وأهلها، ويشوف الزواج شراكة وسند متبادل. نحب رجل عندو مشاعر، أما يعرف يضبطها ويحطها في إطارها الصحيح، ويؤمن أن أجمل علاقة هي اللي تبدأ بالحلال وتكبر بالحلال. وما نطلبش الكمال، خاطر حتى أنا موش كاملة، أما نحب إنسان عندو روح، مبادئ، أحلام وشغف بالحياة، ونحس معاه اللي لقيت راجل نجم نبني معاه حياة فيها دين، أمان، حب، ضحك وراحة بال