walid3bbas

الانسان افكار قبل ما يكون قدرات وامكانيات لاننا بنعيش مع الافكار لو حلوة ومناسبة بتكون حياتنا اسعد عكس اللي ممكن يتعايش مع القدرات والامكانيات بس واللي ممكن ببساطة تتغير او تتبدل في لحظة فاسمع الاول علي افكار اللي قدامك وبعدها احكم هيناسبك ولا لأ ... ؟ وعشان كدا حابب اعرض جزء مبسط ولطيف ومهم من افكاري كبداية لعلها تكون بداية خير الزواج علاقة انسانية مش روتين ولا تسليم نصفها الاول حب ونصفها الآخر ثقة الحب بيبان من النظرة واللقاء الاول هتلاقي روحك بتقولك "دا انسان ممكن او عايز اعيش معاه" حاجة حلوة بس دا مش كفاية لازم يتبني ثقة بتظهر مع المواقف وبتبين معادن الناس وبتعلي مع الاوقات الجميلة بين الاتنين بتخلي قلبك فعلا يدق ويقولك " دا انسان لازم اكمل معاه حياتي" عشان تدخل تترتبط لازم يكون عندك وعي وأهداف عايز تحققها مهما كانت الصعوبة والتحديات ومع الوقت والعشرة الروح المعنوية بتعلي والطموح بيزيد والاحلام مش بيبقي ليها سقف ولا حد وتلاقي شعار دايما بينهم مرفوع " مش مهم أي حاجة الاهم اننا مع بعض" اللي هيقول للتاني انه ممرش بتجارب صعبة هيكون للاسف كداب لكن الجميل اننا نعرف خرجنا من تجاربنا دي بإيه ... وياتري لسا ارواحنا عايشة فيها وبتناديها ولا خلاص ارواحنا وقلوبنا ونفوسنا سلمت لاقدار الله وبقينا صفحة بيضا بتدور علي صفحة بيضا زييها تكمل معاها فيه حديث معبر جدا في صحيح مسلم عن النبي صلي الله عليه وسلم : الناس مَعادِنُ كَمَعادِنِ الفِضة والذّهَبِ خيارُهم في الجاهِلية خيارُهم في الإسلامِ إذا فقُهوا والأرواحُ جُنود مُجَنَّدةٌ فما تَعارَفَ مِنها ائتَلَفَ، وما تَناكَرَ مِنها اختَلَفَ فاللهم اكتب لنا الاخلاص و التوفيق