ab.bou

25 عام وخدام فالمجال الصحي العمومي، وحاليًا كنشغل مسؤولية تسيير مركز صحي. قريت التمريض وخديت الإجازة المهنية فالعلاجات التمريضية، ومازال عندي طموح كبير نكمل قرايتي ونطور راسي أكثر فأكثر. أنا من الناس اللي كيعشقو القراءة والكتابة، كنلقى فالقراية متعة كبيرة لأنها كتفتح ليا آفاق جديدة وكتخليني نتعلم كل نهار حاجة جديدة، والكتابة بالنسبة ليا وسيلة نعبر بها على الأفكار والمشاعر ديالي بطريقة صادقة وراقية. كنمارس حتى رياضة التنس وكنحب كل ما كيخليني نطور راسي فكريًا وإنسانيًا الناس اللي كيعرفوني كيشوفوني إنسان هادئ، محترم، مسؤول وطموح، كنحب الوضوح والصدق فالتعامل، وكنآمن بلي الاحترام والثقة هما أساس أي علاقة ناجحة. الخدمة ديالي علماتني الصبر وتحمل المسؤولية واتخاذ القرارات، وخلاتني نكون قريب من الناس ونفهم قيمة العطاء والمساندة. عندي أهداف كبيرة فالحياة وخدام عليها بخطوات ثابتة، وكنآمن أن النجاح ماشي غير فالمسار المهني، ولكن حتى فأنك تلقى إنسانة زوينة تشاركك أحلامك وطموحاتك وتكون سند ليك وتكون سند ليها وفرحت بزاف ملي تعرفت عليك، وكنتمنى نكتاشفو بعضنا أكثر مع الوقت، لأنني كنفضل التعارف الحقيقي اللي كيبنى على الصراحة والاحترام والتفاهم. بالنسبة ليا، الشخصية والأخلاق والقيم أهم من أي حاجة أخرى، وكنآمن بلي أجمل العلاقات هي اللي كيبداو ببساطة وصدق وكيكبرو مع الأيام حتى يولو قصة جميلة تستحق أنها تعاش.