أحمد-Ahmad

.يعني أنا شخص هادي وعقلاني إلى حد كبير ، عندي ثقة في ربنا عز وجل وفي نفسي .. بحّكم العقل والمنطق في امور حياتي .. الاحترام المتبادل هو الاساس والقاعدة الرئيسية في علاقاتي و تعاملاتي مع الجميع ،، عندي شغف دائم لمساعدة الغير واندفاع فطري في الوقوف في صف الضعيف والمظلوم ، هين لين مع كل طيب ضعيف غلبان لكني قوي وصارم مع الشر والظلم والتجبر، غيور في الحق محبش التهاون مع الغلط او اني اسكت عن خطأ بشوفه فيما يغضب الله ، الحمد لله صبور ومنظم .ومهذب و أنيق وبشوش متواضع للغاية و ودود والناس جميعاً بالنسبة لي سواسية كأسنان المشط لا فضل لاحد على اخر الا بالتقوى والرحمة والخلق الحميد .. .محب للمعرفة والاضطلاع .دقيق للغاية وبهتم بالتفاصيل .شخصيتي مميزة ومش بحب التقليد الأعمى .. صريح ومبحبش النفاق أو العلاقات اللي تسودها فقط المصلحة . كارة للحزن و الكآبة و إن كانت الحياة أوقات بتفرضهم علينا لكني محبهمش يستمروا .بحب الضحك و شخصيتي بتتسم بروح الفكاهة بشكل كبير ، ولكن لكل مقام مقال .. بحب أعيش الحياة بهدوء بدون ضغوط عصبية أو مشاكل.. الحمد لله ذو وقار وتقدير وبمتلك مكانة معتبرة بين الناس مكانة اجتماعية وأخلاقية وثقافية جعلتني مقدر بين الناس ليست بجهدي أو قدرتي ولكن بفضل الله وتوفيقه ومنته .من الناحية الاجتماعية والأسرية فهي ممتازة بفضل الله عندي هوايات القراءة والاضطلاع على الانترنت في كافة المجالات ، و متابعة كرة القدم الاوروبية والعالمية .. و ألعاب الجيمز الصعبة أحيانا قليلة .. بحب الحيوانات وبحاول اساعدهم على قدر استطاعتي .. كمان صلة الرحم وعيادة المريض لازم بيكون ليهم جزء من الوقت .. و المشي في الهواء الطلق ده أساسي وساعات الجري .بحب أجبر بخاطر الغير بشرط محسش انه بيستغل عاطفتي ، ودود وحسن العشرة .اتحرى ما يغضب الله في القول والفعل بحاول دايما في شغلي وفي حياتي أطبق مبدأ الأمر بالمعروف والنهي عن المنكر بالنصح والاقناع و بأسلوب التوجية التربوي السليم بسيط بطبيعتي و تلقائي واللي جوايا زي اللي برايا ، سلس في التعامل ومبحبش التعقيدات لكن في نفس الوقت بحب الحفاظ على الحدود في التعامل ، والخصوصية وحرية التفكير . وهذا كله بفضل من الله و حوله و قوته ..