انا تعبت حقيقي

مهندس بحكم طبيعة شغلي عايش في القاهرة لوحدي بينما زوجتي والأولاد في محافظة تانية وبنزل في الإجازات علشان أشوف أولادي وأقضي وقت معاهم. للأسف مررت بظروف زوجية صعبة جدا على مدار السنين واللي حصل بينا أثر على صحتي النفسية والعصبية لدرجة إني بقيت بتعالج. وأكتر حاجة وجعتني إنها اتخلت عني وقت مرضي وتعبي في الوقت اللي كنت محتاجها فيه. بقيت بخاف من الموت وأنا لوحدي وبتجيلي نوبات هلع وباخد علاج ليها. يمكن أكتر حاجة محتاجها دلوقتي هي إنسانة تطمني وتكون معايا وقت المرض قبل وقت الصحة لأن الوحدة وقت التعب من أصعب الإحساس اللي ممكن يمر بيه الإنسان. بعد استخارة واستشارة ناس أكبر مني سنا وخبرة لقيت ان الحل الامثل في الزواج الثاني أنا شخص مسؤول وبحاول أؤدي واجباتي تجاه أولادي وبشتغل وبسعى على قد استطاعتي. ظروفي المادية على قدي ومش طالب من أي حد تجهيز شقة أو عفش أو أي أعباء مادية ومستعد أبدأ بأقل الإمكانيات لأن اللي يهمني هو الإنسانة قبل أي شيء. اخترت أكون واضح وصريح من البداية ومخبيش أي حاجة عن ظروفي أو حالتي الصحية والنفسية لأن أي علاقة ناجحة لازم تبدأ بالصدق والشفافية. اللي هتقبلني أحب إنها تقبلني وأنا على حقيقتي مش على صورة غير واقعية. وأنا في المقابل أوعدها بالاحترام والتقدير وحسن المعاملة وأكون لها سند كما أتمنى تكون هي سند ليا. لو في إنسانة طيبة رحيمة مؤمنة إن الزواج مشاركة واحتواء في وقت الشدة قبل وقت الرخاء وتشوف إنها تقدر تبدأ معايا بداية جديدة فأهلا وسهلا بالتواصل الجاد. وربنا يكتب الخير للجميع. ملحوظة لو في اي اسئلة اساليني وانا هجاوب بكل صدق. وبالنسبة للاعضاء اللي مش عارفين يتواصلوا بسبب قيود العضوية او الاشتراكات لو حسيتي انك حابه تسالي او تتواصلي معايا حطيني في قائمة الاهتمام وانا هفهم وهبعتلك لعله خير. وربنا يكتب الخير للجميع فعلا.