جبل مكسور

السلام عليكم الجبال لها اوزانها المختلفه اوزانها اطنان واطنان وكل انسان ربنا بيديله علي قد كتفه ما بيشيل بس لما تبقي جبل صامد بشده وتلاقي كل الي حواليك بيضربك بكل قوه علشان تقع او تكسر وكل واحد معاه اداة معينه مختلفه عن الشخص التاني بيضربك بيها من كتر الضرب الجبل بيتكسر وبيتفشفش وبيكون تراب . حتي اقرب الناس ليك عاوزة تذلك وتكسرك . عدم الاهتمام بيكسر عدم الحب بيكسر عدم الاحترام بيكسر عدم الاحتواء بيكسر عدم الراحه بيكسر عدم التقدير بيكسر عدم جبر الخواطر بيكسر وغيرهم كتيييييير بيكسر بتستفيد ايه لما تجرح مشاعر الي قدامك بكل غلظه وبجاحه هتستفيد ايه لما ما تجبرش بخاطرة حتي بكلمه حلوه وخلاص والدنيا تمشي لا ازاي لازم تكسره وتذله وتسففه التراب. بتستفيد ايه لما تأذيه بتستفيد ايه لما تعذبه بتستفيد ايه لما توجعه وتكسره. بتسفيد ايه لما تضحك عليه وتعشمه بحياه جميله وردى وفي الاخر تمشي وتختفي فجاه ليه بقينا مش بنقدر مشاعر بعض ولا احساس بعض ولا بنحس ببعض ليه بقينا بننهش في لحم بعض زى الكلاب السعرانه ليه بقينا مش بنقدر ولا بنحترم ولا بنحب ولا بنهتم ولابنراعي احساس ولا مشاعر بعض بقينا كل واحد ماسك سكينه وبيتلذذ وهو بيدبح في التاني بسكينه تلمه ليه لما تحب تمشي مش بتستاذن ليه لما مش مرتاح مش بتقول ليه بتضربني بسيف في ضهرى وتشقني نصيين وتمشي بدون سابق انزار عاوز تمشي امشي براحتك بس قولي علشان اكتم صوت مشاعرى وقلبي انه ماينطقش اسمك تاني انت مرتاح دلوقتي اكيد مرتاح ومبسوط كمان بس للاسف سبت وراك انسان بيتعذب في نار مش بتنتهي وكل يوم بيتشوى في نفس النار مع اني ربنا حرم علي نفسه الظلم وهو رحيم حنين غفور كريم انا بتمنالك الخير ومش زعلان منك انا اتكسرت منك وزعلان علي نفسي علشان انا الي عملت كدة فيها علشان كدة انا قررت اموت قلبي ومشاعرى واحساسي وكل شي فيا . هذا انا سجين قلبي