Tata321

من ذوي الاحتياجات الخاصة بسبب ولادة مبكرة اتولدت ٧ شهور جت لي صفرا اثرت على الجهاز العصبى عندي راسي بتتهز شويه و العصب السمعي عملت لي ضعف سمع بسبط جدا اعاقتي مش وراثيه لانها نتيجة ولاده مبكره و الصفرا انا من اسره محافظة و متدينه الحمد لله اتربينا علي ان الدين ديما هو الفيصل لينا في اي امورنا ديما نبعد عن الحرام خريجه حقوق جامعه الاسكندريه طبيعتي هاديه و مرحه و متفهمه و صبوره و ديما بحب ادعم ال حوليا و بحب اوي احترم العشره ال بيني و بين اي شخص طبيعتي عاطفيه اكتر منه عقلانيه بيتوتيه في الغالب بحب اوي الحيوانات الاليفه و البيت و تكوين الصداقات في الواقع و الانترنت و بحب التنزه و البحر امي ديما ربتنا علي طاعة الزوج و انا درست الشريعه في الكليه مدركه تماما ان طاعة الزوج واجبه ما لم تكون بمعصيهمش مهتمه بوضعه المادي قد ما يكون قادر يفتح بيت ولا فارق معايا مهر عالي قد ما يكون لينا بيت مستقل و مش مهتمه هو مطلق او اعزب او ارمل حتي لو عنده اطفال بالعكس هتقي ربنا فيهم واعتبرهم اطفالي كلنا معرضين لتجربه و نفشل فيها عاوزه يكون أول حاجة شخص يعرف ربنا والدين هو الحاكم له في حياته يكون طبعه حنين و طيب و رومانسي معايا في الحلال عاوزه طبيعته شخص ما يحبش المشاكل و شخص بيوازن اموره و عارف ان الحياه الزوجيه مشاركه نتعاون مع بعض فيها عاوزه يكون هو سندي و اماني بعد ربنا و الاهم عاوزه يكون اب لاولادي صالح نربيهم علي الدين و الحلال و الحرام و قدوه ليهم عاوزه شخص يكون كل دنيتي واكون انا كمان كل دنيته ادعمه و اسنده ديما احترم اهله و يحترم اهلي مش بفضل التعدد لان بحب زوجي ديما معايا و يا ريت يكون من أهل السنة والجماعة