Muhammad EG

السلام عليكم أولًا أنا بس حابب أوضح إنها عمرها ما كانت بالشكل .. جايز أكون آخر اختيار للمعظم ، لكن هي بالتقدير والوضوح والصراحة ، وأهم حاجة المعاملة. معظمنا مرّ بتجارب مش لطيفة ، وجايز يكون إختيارنا من البداية ماكنش صح ، وجايز كمان كنا بنبص على مميزات شكلية وسيبنا الأهم … المعاملة الطيبة ،، في الآخر ولا في الأول ده نصيب . وأنا مش بقول الكلام ده على أساس إني ملاك ، لأن كلنا عندنا عيوب ، ودي طبيعة فينا ،، وأكيد معظمنا بيتقبل عيب الشخص اللي هيرتبط بيه مقابل مميزات تانية شايف إنها تغطي العيب ده، وساعات بنتقبل العيب نفسه ونشوفه ميزة أو جزء من شخصية الحد اللي قدامنا ، وممكن نحاول نغيّره أو حتى نعمل نفسنا مش شايفينه … لكن السؤال هنا : إيه المقابل لكل ده؟ أكيد كلنا بندور على المعاملة الطيبة ، والتقدير ، والمودة ، وأهم حاجة إن الشخص يحافظ علي العلاقة الأنسانيه والمعنوية ويكون داعم مش منتقض ويعتبر أنها أو أنه الأساس في أي علاقة ... كلنا لجأنا للبرنامج ده وغيره من البرامج التانيه المشابهة ليه ،، علشان بيسهل اللي حد ما التوافق الفكري والمعنوي اللي المفروض يكون موجود أصلا ،، كلنا في غني عن تجربه تانيه تقطم وسطنا وتزود علينا وجع وقرف كلنا في غني عنه ،، وأنا عارف أن في بعض الناس بتستخدم البرنامج ده وغيره من البرامج في التسليه أو بمعني آخر وآسف في المعني ده أستخدام قذر ومقرف ،، بس بيتهيألي كلنا كبار ونعرف كويس أوي أن كان الحد ده بيهرج ولا فعلاً مش حابب يكمل الطريق لوحده وحابب أستقرار وزواج و ثانيًا بقى ، بتمنى التوفيق للكل ، وبتمنى إن كل واحد فينا يكمل طريقه مع الشخص المناسب 🤍