اصلح لي قلبي

السلام عليكم.. في البداية هحاول اختصر كلامي لانه هيكون طويل شويتين .. وكلامي هيكون موجه للفئة اللي بحكم القدر اتولدو في اماكن وكانو مجبرين انهم مش بينزلو من البيت وصعب انهم ينزلو يشتغلو برا البيت ومش بيقابلو ناس ودايرة معارفهم تكاد تكون محدودة بطبيعة مكان السكن والانعزال الجزئي .. كلامي ممكن ميكونش مرتب لاني مش مجهزه مع ان الصح اني اكون مرتبة ومجهزه كويس لكن حبيت الكلام يكون بعفوية ومن غير ما احضره .. ••سبب وجودي في التطبيق: لاني من الفئة اللي عاشوا في مكان بعيد عن مكان عيلتي من وانا صغير فاتربيت في مكان جديد وربنا رزقني فيه بصحبة صالحة ودايرة معارف كويسة ومحترمة، وانا مش هنا لوجود عيب فيا أو نقص لكن السبب اللي خلاني اكون هنا اول حاجه اني اخد بالاسباب والحاجة التانية ان ابحث عن مواصفات تناسبني -وليست مثالية جدا- يكفي انها تناسبني•• مش ببحث عن مواصفات قد ما انا ببحث عن شخص يكون سكن ويكون بينا مودة ورحمة، شخص الاقي فيه همة يربي اولادنا تربية صالحة ويكون حريص على حياتهم الأخروية قبل الدنيا.. تكون شايفة ان اكبر شرف ليها تربية أولادها تربية صالحة وانها تعتني بشؤون مملكتها.. وتديرها بحكمة وعقلانية ولطف•• اتمنى من اللي تكون المواصفات دي مناسبة ليها تدخل ملفي الشخصي وتضغط على ايقونة -اهتمام- عشان يكون سهل اني اقدر اتواصل وابعتلها رسايل.