فيوريناFf

يا بنت الناس، يا وصية الرسول ﷺ، يا قطعة من الحرير وريحة ورد تمشي على الأرض 🌷 تكفين انتبهي لنفسك وقلبك، لا تخلين أي شخص يخدعك بكلمتين حلوه أو اهتمام مؤقت. مو كل من ضحك لك صادق، ومو كل من قال “أحبك” نيته نظيفه. كثير بهالتطبيقات يدخلون للتسليه وتمضية الوقت، وتمثيل المشاعر صار عند بعضهم أسهل من شرب الماء. هذا مو مكان يثبت لك قيمتك، ولا مكان تدورين فيه على حب حقيقي. مع الأسف كثير ناس هنا كذب وتلاعب وتمثيل، يدخل عليك وكأنه أحن شخص بالدنيا، وبعد ما يتعلق قلبك يبرد أو يختفي أو يجرحك بدون رحمه. لا تعطين أحد فرصه يكسر قلبك أو يخليك تحسين إنك قليله، لأنك والله أكبر وأغلى من كذا بكثير. الرجل الحقيقي وابن الناس يبان من احترامه ووضوحه وأفعاله، مو من كثرة الكلام والغزل. اللي نيته طيبه يجي بالحلال، ويخاف على مشاعرك وكرامتك، مو يعلقك بعلاقه مخفيه كلها تعب وتفكير وصياح. يا عزيزتي، حافظي على نفسك وعلى حيائك وكرامتك، لا تتعلقين بسرعه ولا تعطين أسرارك ومشاعرك لأي شخص من وراء شاشة. ترى مو كل الناس تستحق قلبك، وقلبك مو لعبه عند أحد. وإذا تحسين إن المكان هذا يتعبك أو يسرق راحتك، اتركيه وانتي مرتاحه، لأن سلامك النفسي أهم من ألف شخص كذاب. اهتمي بنفسك، بطموحك، بحياتك، بأهلك، وبكل شيء يخليك أقوى وأسعد. لا تضيعين وقتك على ناس ما تستحق حتى دقيقة من تفكيرك. وخلي دايم ببالك إن البنت المحترمه الغاليه ما تسمح لأي شخص يتسلى بمشاعرها أو يقلل من قيمتها. أنتِ مو مجرد بنت عابره بحياة أحد، أنتِ إنسانه لك قيمة ومكانه وقلب يستحق الصدق والأمان والحب الحقيقي 🤍