شركاء الحياة

اماراتي او خليجي مقيم في الامارات -يحبذ-.. اهم شي عندي يكون ملتزم بصلواته كلها، يخاف الله فنفسه وفيني، طيب ومحترم ف تعامله مع الناس يمسك لسانة عن الشتم والسب والخوض فالاعراض.. يحب الله ورسوله.. يعرف حقوق اهله.. متدين صاحب عقل متفتح بحدود، هين لين بالاخص مع زوجته.. خلووووق ويعرف كيف يتعامل مع المرأة ومع الأطفال. يقاسمني مسؤوليات الحياة والبيت.. متفااهم.. ويحاول معاي ان نتعلم طرق التربية -كل جيل له طريقته وكل زمان له اسلوبه-.. ضروووري ما يكون عصبي وحااار.. يكون متعلم اقل شي ثانوية.. افضل الريال العاطفي -يعني اللي يظهر عاطفته لزوجته وعياله على الاقل ينوي هالشي لان محد يعرف نفسه كيف قبل زواجه-. ما احب الريال النكدي اليائس من الحياة.. افضل انه يناسبني في السن يعني ما يكون الفارق بينا اكثر من 10 سنوات -اسفة على هالشرط بس من دواعي تناسب الافكار-.. اكره اللي يكذبووووون فأي مجال من الحياة.. واللي يبي يلعب ويسولف ويضيع وقت فأنا ما عندي وقت اضيعه لان العمر يمضي ونحن نبي الستر.. رقم تلفون ما شي وسوالف بطالية ما شي. يا ريت يكون الكلام والنقاش بينا محترم بحدود ان الواحد فينا يعرف عن الثاني اكثر. والي يكذب ويلعب علي الله حسيبه وانا ما راح اسامحه لان اكتفينا من اللي ما يخافون الله