أحمد سعيد حامد

بدور على الأنثى الهادية والجميلة، اللي عارفة قيمة نفسها وبتحبها، وبتسعى دايماً إنها تزكي نفسها وتطور من روحها وشخصيتها عشان تكون أفضل نسخة من نفسها. إنسانة بتهتم بجمالها وأناقتها بلمسة كلاسيكية شيك، وبتقدر أنوثتها وبتحافظ عليها. يهمني تكون إنسانة متفتحة، بتعرف تتكيف مع تطورات العالم، وبتحب العلم وبتمتلك -البصيرة- اللي تخليها تستفتي قلبها في كل معلومة بتوصلها. والأهم بالنسبة لي هو قيمها الداخلية زي الصدق والأمانة، والقيم اللي بتنبع من الاحترام المتبادل؛ لأن ده أساسي لخلق بيئة داعمة ومستمرة. أنا مش بدور على حياة مؤقتة، أنا بدور على حياة دائمة، وبنسعى إننا نخلق حياة كل فترة تكون أفضل من اللي قبلها، وأنا أقدر أقدم لها العون في الجانب ده من خلال الندوات والدورات والمعلومات اللي بنتعلمها سوا. مهم جداً إن شريكة حياتي تكون مقدرة لـ -خصوصيتنا المشتركة- دون إذاعتها للخارج؛ فأي خلاف لا قدر الله نحله بقيمنا أو عن طريق متخصص، وتكون كاتمة لأسرار بيتنا، لأن القيم اللي بتنبع مني ومنها هتخلي حل المشاكل أسرع وأفضل داخل مملكتنا. أنا مؤمن إن الزواج -مشاركة حياة-، وعشان كدة بدور على اللي تكون -أفضل نسخة لنفسها- لتقديم أجمل ما فيها، ونبني بيت قايم على التناغم والازدهار والتقدير الحقيقي. فأنوثتها، قيمتها، وجمال روحها هما اللي هيخلقوا حالة من -الاكتفاء والاتزان-، وهيخلوني دائماً مكتفي بيها ومش شايف غيرها، لأن القيمة الحقيقية للست هي اللي بتخلي الراجل يحافظ على بيته ومملكته بكل إخلاص.