A123456789123

شاب اربعيني غير متزوج نهائيا ولم يسبق لي الزواج وحالي المادي الله اعلم به بعدما فقدت وظيفتي من ٤ سنوات والفرج بيجي والرزق بيد الله وفي السماء رزقكم وماتوعدون أيام الوظيفة كنت أحب أساعد العائلة مادياً وكنت أحب السفر حول العالم بما يرضي الله بدون دخول في معاصي أو كبائر ولله الحمد وهذا من فضل ربي وليس لي يد فيه والله الحافظ والله الهادي لكني زرت دول حول العالم من عشقي للسفر ولازلت اعشق السفر لكن الظروف المادة حدت من هوايتي ، شخصيتي لطيفة وبنفس الوقت فيني عصبية اذا احد تجاوز الحدود لكنها عصبية مقبولة بدون تجني او حقد او فجور بالخصومة ، اتعالج من مرض وراثي بالدم ماله تأثير على الطرف الثاني وكذلك علاج للقلب ولكن مو باين علي المرض نهائياً ولله الحمد ولا احب اقول ان فيني مرض لكن هذا عقد ومسؤول امام الشريك وامام الله اني اقول اللي فيني بدون تجميل او تلطيف والرزق بيد الله ، كل شيء فيني طيب واتأقلم بسرعة مع الظروف والمدن والبشر واحب الروقان والهدوء، عندي مشكلة كبيرة في حياتي لو ربي فرجها باذن الله الباقي سهل وهي مشكلة ان ماعندي عمل ، واطقطق في اعمال حره دخلها منها وفيها يادوب ساترني ومايوصل دخلي ٢ الفين او ثلاثة لكن بتفرج باذن الله وتزين وارجع بحال احسن من اول ، متفائل خير وابذل اسبابي ومتوكل على الله والفرج بيجي ولو طال الانتظار ، ويعلم الله مامنعني اتزوج الا ما ابغى امتحن بنت الناس اللي بتزوجها لان عملي السابق سيء وغثيث وبيأثر على الاسرة وبعدما فقدته صعب اتزوج بهالدخل الغير ثابت والغير مجدي ، بالنسبة للتدخين كنت مدخن قبل ٨ سنوات وبطلت نهائي ولا اجلس مع المدخنين ولا احب هالاجواء ، وبالنسبة للصلاة اصلي سواء المسجد او البيت لكني اصلي بفضل الله سبحانه واحب الحرم والمدينة والعبادات بشكل عام لانها تونسني وتوسع صدري ، احب خدمة الوالدين واهلي ، احب هالشيء بشريكة حياتي انها تكون كفو مع والديها ، احب الكشتات ، فاهم باكثر امور الحياة ولازلت اتعلم ، اتكلم انجليزي بمستوى فوق متوسط ، اقدر الحرمة السنعة الكفو واتمنى اسعدها اضعاف ماتسعدني ، الاولاد من الله ، ان ربي رزقنا خير وبركة ، وان منعنا فالحمدلله على كل حال ، متفائل بالخير كثير ، وعندي استعداد للانتقال لاي مدينة او دولة حول العالم .