إظفر بذات.دين

أنا أبي إنسانة ذات دين، تعفّني وتحفظني وتعينني على طاعة ربّي. أبي شريكة أسعد معها في الدنيا والآخرة. سبق وتزوجت، وجربت الحياة الزوجية، وعرفت فعلاً قيمة الزوجة الصالحة… هي من أفضل كنوز الدنيا للمرء. وأتمنى أتزوج إنسانة واعية وبسيطة وطيّبة، تكون صديقتي وحبيبتي وزوجتي وسندي في هالدنيا. بصراحة المواصفات اللي أدور عليها مو عن شكل ولا مظهر… أهم شي تكون إنسانة حقيقية، قلبها نظيف وتعرف قيمة العلاقة وكيف تُبنى بالمودة والاحترام. أبي وحدة تقدّر الرجال اللي قدّامها، وتفهم إن الزواج شراكة وأمان وسكن قبل ما يكون عقد وميثاق غليظ. أبي إنسانة إذا تكلمت معها أحس براحة، وإذا زعلت أقدر أتصالح معها بدون عناد… إنسانة واعية، ناضجة، وتعرف وش تبغى من حياتها. يعجبني البنت اللي عندها طموح وبنفس الوقت ما تنسى أنوثتها وطيبتها. أبي وحدة نضحك سوا، ونكبر سوا، ونسوي لنا حياة حلوة مبنية على صدق واهتمام. ما أدور الكمال، أدور وحدة تتلاقى روحي مع روحها ونكمل بعض. وبرضه من الأشياء اللي تعجبني إنها تكون إنسانة تقدّر الاستقرار، وتحب تعيش جو عائلة، وتعرف إن البيت يرتاح إذا قلبين متفاهمين فيه.... تعرف تحتويني بكلمة، وتفهم طبعي حتى بدون ما أشرح. أبي إنسانة تكون لي خطّ أمان… إذا مريت بضيقة توقف معي، وإذا نجحت تفرح لي من قلبها. أحب البنت اللي تحترم خصوصيتي وأنا أحترم خصوصيتها، واللي نقدر نكون مع بعض بدون تكلّف، على طبيعتنا. وأتمنى تكون صاحبة عقل راجح وذكية، تعرف توازن بين حياتها وحياتي، بين الجد والضحك، بين المسؤولية والراحة. وحدة أحس إذا خططت معها للمستقبل، يكون المستقبل مطمّن وجميل. وآخر شي… أبيها تكون إنسانة تحس فيني، وتخليني أحس إني اخترت الصح، مو بس زوجة… شريكة حياة فعلية.