زوج صالح 1994

اهم 4 نقاط حابب تعرفيهم يا ست البنات قبل اي كلام معايا عشان لو تمام بالنسبالك هنكمل تعارف ولو مش عجبك أسلوبي وطريقه تفكيري يبقي ربنا كاتبلك الأحسن والأنسب ليكي انشاء الله 🤗❤️ 1️⃣اول حاجه مش عايز مراتي تشتغل بعد الجواز نهائي وانشاء الله أنا هكون كفيل بالبيت وبمراتي في كل حاجه ومش هخليها تحتاج حاجه اولاً عشان الشغل تعب وإرهاق وانا عايز مراتي يكون كل حياتها وتركيزها ف البيت وف أسرتنا والله يكون في عونها البيت مسئوليه كبيره وتعب برضو 😊 2️⃣تاني حاجه أنا مش عايز اعمل فرح وحابب نعمل عمره ب فلوس الفرح عشان تبقي بدايه كلها بركه ولو مش حابه تعملي عمره دلوقتي ممكن نسافر ف تركيا او اي بلد نختارها ونقضي شهر العسل هناك ب فلوس الفرح ولو مصره اوي ع الفرح يبقي هعمل فرح بدون اختلاط البنات في مكان والشباب في مكان تاني😆 3️⃣وتالت حاجه عايز مراتي تكون مطيعه ومش عنيده ومش بقول مطيعه يعني ملهاش رأي وزي الكرسي والكلام ممكن يتفهم غلط لا والله نهائي بس بمعني ان المفروض اي حاجه تحصل ف البيت صغيره او كبيره نقعد مع بعض ونشاور بعض وناخد القرار وبعد كدا نعمل الصح لبيتنا بس أنا بقول مطيعه عشان بيبقي في أمور معينه ممكن نختلف فيها يبقي انتي ليكي رأي مختلف عني هنا بقي لازم الست تكون مطيعه وتمشي ع رأي جوزها عشان هو المسئول الاول عن البيت واللي هيتحاسب قدام ربنا وقدام اي حد عن اي حاجه هتحصل 🙂 4️⃣رابع حاجه وآخر حاجه مده الخطوبه من 3 شهور ل 6 شهور اقصي حاجه أنا مقتنع ان دي المده المناسبه اللي نقدر نتعرف ع بعض فيها ونقدر نكتشف بعض فيها ونشوف هنقدر نستحمل عيوب بعض ونكمل مع بعض ولا كل شئ قسمه ونصيب ونفترق بالمعروف زي ما دخلنا ولو قدرنا نفهم بعض ونستريح ونستحمل عيوب بعض يبقي دا الخير لينا وربنا يكمل علينا بالخير يارب 🤲 إنما موضوع سنه وسنتين وتلاته دا مرفوض نهائي أنا بصراحه مش هقدر اعمل كدا في نفسي ولا اقدر اعمل كدا مع بنت الناس اللي هخطبها وبعد سنين خطوبه ميحصلش نصيب واكون ضيعت سنين من عمري وهي كمان تكون ضيعت سنين من عمرها ❤️‍🩹