Afaf hassan uae

أنا إنسانة بسيطة وهادية ورومانسيه وشخصيتي قويه ولكن لوحدي او دايما في شغلي شايفه ان الدنيا حلوه فيها حاجات كتير تتعمل بس مينفعش نعملها لوحدنا لو مع شريك حياه بتكون اجمل بكتير بس طبعا لو في تفاهم ويكون حد شبهيي ، بقدّر الحياة الزوجية بمعناها الصح، ومؤمنة إن الطاعة تكون نابعة من الاحترام والحب، مش فرض أو سيطرة. بحب الراجل اللي يحترمني ويقدّرني، وبحاول دايمًا يكون في تفاهم ومرونة في التعامل. فاهمة كويس يعني إيه جواز ومسؤولية وشراكة حقيقية، مبنية على الحب والمودة والرحمة والرومانسية والاحترام المتبادل. بالنسبة لي الجواز شراكة قبل أي حاجة، ونجاحه بيعتمد على الصدق وحُسن النية من الطرفين. نيّتي واضحة: بدوّر على الحلال وبس، مش للتسلية ولا لعلاقات مؤقتة. ومؤمنة جدًا بالمقولة: “كوني له أنثى يكن لك رجلًا”. وأتمنى أكون أنثى بمعناها الحقيقي، وفي المقابل يكون هو راجل بجد بأفعاله وتصرفاته واهتمامه، مش مجرد لقب مكتوب. بدور على راجل محترم في كلامه وأسلوبه، يقدّر الست ويصونها، ويتعامل معايا بذوق واحترام. وأي حد مش جاد أو أسلوبه مش محترم، ياريت ما يتواصلش نهائي. إن شاء الله ربنا يرزق كل اللي داخل بنيّة صافية الخير والتوفيق، لأن الحلال دايمًا أجمل وأدوم.