IBRA1919

المعلومات الاساسية: عمري ٢٦ سنة موظف قطاع خاص بالرياض، لي اكثر من ٣ سنين بالرياض ولا اشوف احتمالية نقل بالمستقبل القريب. قبيلي من القصيم. القيم الدينية والعائلية: مسلم سني، عائلتي نسبة كبيرة منهم متدينة والحمدلله الصلاة وامور الدين الاساسية حريص عليها مع اني مقصر بكثير من الامور لكن ما نتعدى الحدود. الاهتمامات والشخصية: اجتماعي لحد كبير ودايم على تواصل بين الاهل والاصدقاء والزملاء، ناس للوناسة وناس للعلاقات المفيدة، لكن طبعي انبسط فيها كلها. يومي مابين عمل ورياضة اما اتابع -كورة، تنس، فورملا اذا فاضي مرة- او العب او اروح النادي، لكن مهتم بالرياضة جدا واستمتع فيها. وايام ندور الراحة وطلعات المقاهي والاكل. بالنسبة للسفر ما اعرف اهجد كل شوي ناقز مكان، ولا في نية اهجد. بالنسبة لاشياء تميزني عن غيري يمكن اني ما احب اشيل هم واكبر المواضيع، دايم احاول اتقبل الواقع سواء كان سيء او جميل عشان لا اتوتر واكمل مبسوط، ما احب الي يكبر المواضيع ولا يدور المشاكل، المشاكل بطبعها تصير وردة الفعل مقبولة لكن لازم الواحد يتذكر انه بيعيش كم سنة ثم يترك ذكراه، الافضل انه يتركها طيبة.