MôüRæD19871

بسم الله الرحمن الرحيم قال الله تعالى " ومن آياته أن خلق لكم من أنفسكم ازواجا لتسكنوا اليها وجعلنا بينكم مودة ورحمة" صدق الله العظيم انا من قسنطينة عمري 40 سنة انسان بسيط ومحترم وبشوش مصلي يخاف ربي في بنات ناس وهدفي بسيط من منشور هذا لي كتبتو ولي هو نحوس على بنت الحلال نتاع دار وبنت فاميلية وفحلة لا يهم سنها أو ماضيها أو حالتها الاجتماعية ولا مستواها دراسي انا لي يهمني تكون نيتها لحلال وناوية دير الدار اما الجانب المادي لحمد الله نخدم مدير مدرسة ابتدائية مع اني جديد في مجال التسيير و الحمدلله منيش نحوس على زين ولا طاي تاعها انا لي يهمني النية الصافية والقلب الصافي - الجمال جمال الروح الطيبة- الله غالب هذو هما شروطي و هذي هيا عقليتي وتربيتي وقلبي لانو تربيتي ماتسمحليش باه نتمسخر ببنات ناس لحمد الله لميمة تاعي تعبت وهيا هازتني في كرشها 9 شهر وتعبت باه ردتني راجل ماش في اخر عمرها نجازيها بدعاوي الشر مستحيل وندريها نقعد وحدي ومنظلمش بنات ناس لوكان نعرف روحي نغبن بنت الناس نخليها في دارهم والله مانتزوج كما قال رسول صلى الله عليه و سلم " استوصوا بالنساء خيراا"كيما نحب لأختي نحب لمرتي وكيما ندير لختي ندير لمرتي مهما يكون المرا تقعد مرا ، الراجل لي يحقر المرا ماشي راجل والراجل لي يضرب مرا ماشي راجل والراجل لي يعاير ويسب مرا ماشي راجل و عرة الرجال فلا يكرمهن إلا كريم ولا يهينهن إلا لئيم. وعلبالي نص الغاشي يحطني حلاب ولوخر يحطوني نتمسخر مي حبيت نقلكم ياخاوتي و خواتاتي ماش لواحد كي يحط منشور تاع زواج ماشي راه يبين في روحو ولا يحلل فيكم باش لي تسوى ولي ماتسواش تجي وتتكسل عليه سيرتو كي تشوفو بسيط في شكلو اوكي . مالا انا نقولكم من لخر باش نديها لازم توافق على شروطي لي هما- الاحترام المتبادل والاهتمام والصراحة - اكدولي على" الصراحة والاهتمام" ولي معجبهاش كلامي نقلها ماتحكي معايا مانحكي معاك راكي حرة وانا حر و هيا حرة في حياتها شخصية وهيا حرة فيها. خلاصة القول من كلامي انا نحب نعيش معاها حياتي بحلاوتها ومرارتها في الحلال يعني انا نكون مقتنع وهيا مقتانعة بيا وبالشخص لي رايحة تعيش معاه برسكو علاقة لحلال مهيش تاع شهر ولا شهرين راهي علاقة عمر كامل و انا منيش نحوس نضيع الوقت في وسائل الاتصال الاجتماعي انا نحوس على شريكة حياتي لي تسترني وتهتم بيا وتخاف عليا سبحان الله تنوي لحلال يولو يتكسلو عليك ويتسمخرو بيك ولي يتمسخرو بيهم ينووهم لحلال والله دنيا غريبة صح تمشي بالمقلوب خلاصة القول لي مقتانعة بكلامي وبشي لي هدرتو مرحبا بيها نتعرفو ولباقي على ربي سبحانو كريم