Aahmedg

اللي بيحبك بجد، عمره ما يقدر يسيبك يوم واحد من غير ما يطمن عليكي، حتى لو متخانقين. حتى لو الدنيا مقلوبة، بيبقى قلبه قلقان عليكي، مش مرتاح غير لما يسمع صوتك و يطمن إنك كويسة، لو بيحبك بجد، مش هيعرف ينام وانتي زعلانة، مش هيعرف يضحك وهو حاسس إنك بتعيطي، مش هيقدر يعيش يومه كأنه عادي وانتي ف وجع، لإنك بالنسباله مش مجرد علاقة، إنتي الأمان اللي بيخاف يخسره، والونس اللي بيهون عليه تعب الدنيا. لو بيحبك بجد، مش هيختفي ويرجع، ولا هيقولك "كنت مشغول"، لإن اللي بيحب بيخلق وقت، حتى لو في عز الزحمة، بيبعت كلمة، بيعمل مكالمة، بيظهر بأي طريقة، المهم يوصللك إحساسه إنك مش لوحدك وإنك أهم حاجة ف تفاصيل يومه. اللي بيحبك بجد، بيزعل منك يأذي لاء، بيخاصمك بس يبعد لاء، بيحاول يفهمك مش يحكم عليكي، بيحافظ عليكي كأنك حاجة غالية اتكتبتله ف القدر مرة ومش ممكن تتكرر تاني. ف أوعي تصدقي إن اللي بيتجاهلك بيحبك، ولا إن اللي يختفي عادي، ولا إن اللي بيسيبك لوحدك في وجعك عنده "ظروف"، اللي بيحبك بجد بيبقى دايمًا معاكي، مهما كان مشغول، الحب الحقيقي مش كلام، الحب وجود، واللي بيحبك مش هيخليكي تسألي نفسك "هو لسه بيحبني؟." 💗 -أحمدسعد