Teena.4

أبغى شخص أول شي يكون “آدمي طبيعي” 😂يعني لا مثالي بزيادة ولا بارد كأنه في سبات شتوي أبغاه إنسان حقيقي… عنده مشاعر يعرف يخطي ويعتذر ويضحك من قلبه لما الموقف يضحك مو 🧊أبيه يكون فيه ذوق في التعامل مع كل الناااااس ما يرفع صوته ولا يقلل من أحد حتى وقت الزعل يكون محترم لأن بالنهاية الرجولة مو بالصوت العالي الرجولة بالاتزان والهدوء لما غيرك يفقده أبغى رجل واعي عنده نضج يخليه يعرف متى يتكلم ومتى يحتوي ما أحب الشخص الغامض زيادة ولا الفضولي زيادة أحب التوازن شخص عنده حياة يحبها بس يشوفني جزء منها مو عبء عليها يكون طموح بس مو مشغول عني وحنون بس مو متكئ على المشاعر كأنه إنجاز أبغاه شخص لما أتكلم معه أحس إن الدنيا تهدأ وإن كل شي له معنى ما أبغى شاعر ولا فيلسوف بس أبيه “يفهمني” حتى لو كنت أشرح نصي مشاعري ونصي دموع 😂أبغاه شخص يعرف إن الدراما عندي مو تمثيل أبغاه رجال عنده حس فكاهي راقي يعرف يضحكني بدون ما يكون ويعرف يواسيني بدون ما يقلل من اللي أحسه شخص لو شافني متوترة قال لي “خلاص ارتاحي أنا امسك الموضوع” مو شخص يزيد توتري بنصائحه النظرية 🫠 أبغاه شخص يخاف الله فيني قبل كل شي يشوف فيني شريكة حياة مو مسؤولية إضافية يحب بيتي ويقدّر وجودي ويفهم إن المرأة لما تحس بالأمان تصير أحنّ وأهدى وأجمل نسخة منها ❤️وأهم شي… يكون عنده “قلب طيب فعلاً” مو تمثيل يحب الناس ويراعي وما يجرح يعرف قيمة الكلمة الحلوة ويحترم التفاصيل الصغيرة اللي تصنع حب كبير أنا ما أبحث عن شخص كامل، بس عن شخص حقيقي واضح دافي لما يكون حولي أحس إن الحياة صارت أبسط وألطف وأكثر أمان ويبغى فعلاً احتواء وحنية وعلاقة صادقة