Dawn Breeze

الكلام عن النفس يمكن يكون أصعب حاجة، لكن "وَمَا تَوْفِيقِي إِلَّا بِاللَّهِ" [هود: 88]. أنا بطبيعتي بسيطة جدًا ومبحبش التصنع، بحب إن حياتي كلها ترتبط بربنا سبحانه وتعالى، حتى الحاجات الأفعال لو نويت بيها وجه الله تبقى عبادة. من الحاجات اللي بحبها جدًا: الطبخ 🍳، خصوصًا لما النتيجة تطلع أكل يفرح قلب اللي حواليَّ، يمكن عشان الآية: "وَيُطْعِمُونَ الطَّعَامَ عَلَىٰ حُبِّهِ مِسْكِينًا وَيَتِيمًا وَأَسِيرًا" [الإنسان: 8]، فبحس إن إخراج الطعام مش بس حاجة عادية، هو باب أجر كبير، الكتابة جزء مني، سواء شعر أو نثر. ساعات بحسها زي دعاء مكتوب، أو مرآة للي جوايا. وبالذات لما بفتكر قول الله تعالى: "الَّذِينَ يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ" [آل عمران: 191]، الكتابة بالنسبالي صورة من صور التفكر. الأعمال التطوعية من الحاجات اللي بحسها بتغيرني. بحب جدًا أخرج الطعام والصدقات، والآية اللي دايمًا بتلمس قلبي: "مَثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ" [البقرة: 261]. أنا مبحبش الصوت العالي ولا العصبية، بحب الهدوء واللين. وبفتكر قول النبي ﷺ: "ما كان الرفق في شيء إلا زانه، وما نُزع من شيء إلا شانه". وبحب أشوف الحياة بروح مختلفة: القرب من ربنا بالنسبة لي مش بيضيّق الدنيا زي ما الناس فاكرة، لأ، هو اللي بيخليها أوسع وأجمل. القرآن هو أكتر حاجة بتديني سكينة. بحب التفسير جدًا، ومهتمة بعلم الحديث، . النبي ﷺ قال: "خيركم من تعلم القرآن وعلمه"، فأنا بدعي إن يكون ده حالي وحال بيتي بإذن الله. ، بحب البساطة والمرح بنفس القدر. يعني مش عايزة حياتي تبان تقيلة أو كئيبة. لأ، الضحكة عندي ليها مكان زيها زي الجد. يمكن ده عشان بستحضر قول النبي ﷺ: "روحوا عن القلوب ساعة بعد ساعة، فإن القلوب إذا كلّت عميت". أكتر قصة بتأثر فيا قصة زوجة أيوب عليه السلام. صبرها ووفاؤها نموذج عظيم. نفسي أكون زيها: مطيعة لزوجي في المعروف، ناصحة، وفية، وصبورة. ودايمًا بفتكر الآية: -فَصَبْرٌ جَمِيلٌ- [يوسف: 18]. --- أنا موجودة هنا في التطبيق مش علشان "تعارف" أو أي حاجة ممكن تفتني في ديني أو دنيتي. الفكرة كلها إني شفت إن ده ممكن يكون سبب إن ألاقي شخص مناسب، خاصة في وقت صعب جدًا تلاقي فيه حد يشترك معاك في نفس الاهتمامات والدين. ربنا قال: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ" [البقرة: 216]. وأتمنى محدش يكلمني لو شايف إن شخصيته بعيدة تمامًا عني أو مش شبهي. وأخيرًا: "اللهم إني أسألك خيره وخير ما جُبل عليه، وأعوذ بك من شره وشر ما جُبل عليه." 🤍