ادور نادره مثلي

نسبي :أنا سعودي قبيلي من قحطان من فخذ همدان من بطن بكيل وينتهي اسمي بإسم عائله نشأتي كلها في مكة. سكني :جالس حاليًا بالرياض عند صاحبي. المؤهل العلمي: بكالوريوس إعلام – تخصص علاقات عامة، ومعي 28 دورة تدريبية محلية وعالمية،وعندي خبرة عملية تتجاوز 12 سنة في مجالات مختلفة. وضعي الاجتماعي :أنا يتيم الأب والأم، وما عندي أخوان ولا خوات وما لي سند بعد الله غير نفسي وربي شاهد إني بنيت حياتي من الصفر لا عزوة ولا ظهر ولا ترف لكن بالصبر والاعتماد على الله قدرت أكون ناجح وأحافظ على نفسي وكرامتي والصبر والحكمه وامور منوعه. صفاتي وتفكيري وأسلوبي: أنا إنسان احس بالي حولي وأدرك مشاعر غيري بسرعة اجتماعي بطبعي وأجيد التفاعل مع الكل، لبق وحنون وصوتي مريح وعندي كاريزما تجذب الناس وصادق في تعابيري وعفوي في أسلوبي وكريم بوقتي ومشاعري ومالي وعندي حس عالي بالمسؤولية وحقاني وأكره الظلم وأحرص أكون إيجابي مهما كانت الظروف وأعيش حياتي بعفوية وأستمتع بالسواليف والطقطقة والضحك وما أميل للرسمية أبدا و أحب أشارك فرحة الناس كأنها فرحتي وأترك أثر طيب في المجالس و عندي حدس داخلي قوي وأستمتع بالحياة البسيطة والتفاصيل الصغيرة وأحب المغامرات والتجارب الجديدة والسفر سواء بطياره او السياره وأتأقلم بسرعة مع التغيير أحب أتعلم من التجربة الواقعية أكثر من النظريات وأضحك الناس بسهولة وقلبي نظيف ومتسامح مع الكل ومتواضع وما أحب أتباهى وما أشيل ضغينة بقلبي وأسامح بسرعة ومسالم وكتوم وصبور وبالي طويل و أؤمن إن التفاهم أهم من الإكراه وإن كل علاقة ناجحة مبنية على الصدق والصراحة والمواجهة وأحب أتكلم بأسلوب محترم وراقي وما أحب الهمجية في الكلام وأحب أرد بسرعة وما أتجاهل أحد وأنا منصت جيد وهين مع الكل و ذوقي راقي وأهتم بمظهري الداخلي قبل الخارجي وعندي ميل للخيال الواسع ويعطيني إبداع وتجدد بكل أمور حياتي وأحب الأنمي والأفلام والقطط وما أحب أميز بين الناس في التعامل سواء في حياتي المهنيه او العامه و احب أساعد غيري حتى لو بشي بسيط والحمد لله ربي أعطاني نعمة القبول وين ما أروح وأهتم باللي أحبهم وأحس فيهم دايم وأفضل البساطة على التعقيد خاصه في النقاشات وحل المشاكل وأحترم مشاعر غيري وأحاول ما أجرح أحد و أواسي من يحتاج حتى بدون ما يطلب ورغم إني صغير بالعمر لكن ربي رزقني نعمة الحكمة وعقلي أكبر من سني أحب أطور من نفسي وأثقف نفسي في مجالات مختلفة مثل الطب، علم النفس، والاستشارات الأسرية عشان أكون أكثر وعي مستقبلا و أنا رومانسي وأقدر الحب الحقيقي واذا حبيت أخلص من قلبي وأقدر الشريك اللي يحتوي ويقدرني ويفهمني ومع شريكه حياتي ف أنا رجل عندي مبادئ واضحة يعني أدعم زوجتي إذا حبت تكمل تعليمها أو تتوظف ببيئة تحافظ على كرامتها وما عندي مانع إنها تسوق إذا رغبت وأهتم فيها واحب أعيش الحب على مبدأ الصدق والصراحة وأحب حياتنا تكون كتاب مفتوح لبعض وأحتاجها شريكة عمر ورفيقة درب قبل ما تكون زوجة بسرير وأحب الأحضان والدفا وأحب نحتفل بكل مناسباتنا: الخطوبة والملكة و الزواج وأحب نهتم ببعض حتى في العناية الشخصية يعني أهتم فيها وتهتم فيني وننام بحضن بعض ومشاكلنا ما تطول ونعتذر لبعض بغض النظر مين الغلطان وما ننام زعلانين وقراراتنا مشتركة ومبنية على التفاهم والتراضي ونتحمل بعض بسلبياتنا و إيجابياتنا ونعدل بعض بالكلمه الحلوه والتصرف اللين ونظامي بالحياة “أقنعني وأقنعك” وما عندي شي بالإجبار وأحب أعطيها مساحتها وتحترم مساحتي ونعيش حياة مبنية على الاحترام والتفاهم والمودة . مده الزواجي: 8 شهور ولي منفصل : سنتين و 7 شهور وضعي المادي: مني موظف وبدور ع وظايف سواء ورقي او إلكتروني وبشتغل في اوبر ومستور الحال وهذي فتره مؤقته وبرجع اوقف من جديد. طلبي في شريكه حياتي : تكون بيضاء او حنطي مايل للبياض وسعوديه سواء حضريه او قبيليه او خضيريه ومايهمني سواء اكبر مني او اصغر مني يهمني ذاتها من ناحيتها تفكيرها وأسلوبها وتعاملها وأخلاقها ودينها ويهمني يكون عندها سكن سواء ايجار او ملك وموظفه ما أطلب هالشي طمع ولا اتكالية ولا شحاذه ولا ابيها تصرف علي ، لكني أحتاج وحدة توقف معي في هالمرحلة لين أعديها وتكون معي بنت رجال وادري هالشي نادر وقليل لكن بإذن الله احصل وماراح يناسب كلامي الجميع.