Ahmed94.3

المظاهر كل ما يُهم حاليا بشكل عام حتى بالحياة الاجتماعية لذلك حتى احجي عن نفسي للأسف مضطر اذكر امور مو مهمة ابدا مثل الشهادة والمستوى المادي، بينما هذه الامور تعتبر مؤقتة الله مثل مايعطي يكدر ياخذ بكل سهولة وتبقى بالانسان فقط شخصيته وتفاصيلها المهمة. عموما اني مهندس، موظف حكومي، واشتغل بالقطاع الخاص من سنين طويلة وبالاضافة لمشروع جانبي نتائج تعب سنين الله ماضيعها ورزقني استقرار مادي والسعي ماله نهاية ولله الحمد.. شغلي يتطلب سفر لهذا سافرت لكل بقعة في العراق من شماله لجنوبه وايضا لدول مختلفة والسفر من هواياتي مو بس عملي، احب الطبيعة وهواياتي متعلقة بيها مثل صيد السمك والتخيم واستكشاف الجبال والغابات. بالنسبة لهذا البرنامج صراحة استخدمه كلش قليل بسبب عدم جدية البعض ومضيعة للوقت بس للاسف مضطر ارجعله لان الزواج صار صعب ويتطلب تفاهم وما اعتبر الحب مقياس للزواج ابدا. الزواج لازم يكون بالعقل مو بالقلب واي تفكير سطحي واحتياجات مؤقتة ماممكن يلبيها زواج بدون تفاهم وتفكير صحيح.. الجمال يروح الفلوس تروح والانساب والمناصب والمراتب كلها تروح ويبقى الانسان وشخصيته ونفسيته فقط. على هالاساس لازم يكون الزواج واكيد من انسانة تكون بهيج مستوى رقي تستاهل كلشي والرجل بشكل عام مستعد ينطي كلشي في سبيل سعادة ورفاهية البنت اللي تسعده وتقدره وتحترمه وتصونه.