الكاتبة خولة

ما نحبش نقول عليهم شروط ثقيلة ولا تعجيزية، بصح بالنسبة ليا هما أساسيين نحب شريك حياتي يكون قبل كل شيء إنسان يخاف ربي وعندو أخلاق عالية يعاملني باحترام ويقدّرني كإنسانة قبل ما يكون كزوجة نحب يكون صريح وواضح معاياما يخبيش عليا أمور مهمة ولا يلعب على مشاعري من جهة أخرى مهم بزاف عندي إني نكمل قرايتي ونخدم ونحقق مشروعي ونتمنى شريك حياتي يكون واقف معايا ويشجعني ويفرح بنجاحاتي كيما نفرح أنا بنجاحاتو ما نحبش الزواج يكون نهاية طموحاتينا وياه بالعكس نحب يكون بداية مرحلة جديدة نبني فيها حياتي ونزيد نطوّر من روحي نا وشريك حياتي المشاكل أكيد جزء من أي علاقة بصح بالنسبة ليا لازم تتحلّ بالنقاش والتفاهم والهدوءما نحبش الصوت العالي ولا الشجار العقيم نحب نلقى راحة في بيتي مشي ساحة حرب وزيد عندي اهتمامات خاصة نحبها في حياتي نحب السفر نحب نكتشف أماكن جديدة وثقافات مختلفة نحب الحيوانات بزاف ونشوف فيهم مصدر رحمة ودفءونحب قراءة الكتب لأنها تعطيني زاد فكري وتخليني نعيش عوالم مختلفة بسك نا كاتبة ونتمنى شريكي يتفهم هاد الأمور وإذا يشاركني فيها يكون أجمل شي في حياتي باختصار نحب زوج يكون شريك حياة حقيقي صديق، سند، ورفيق طريقي ونبني معاه حياة مليئة بالمودة والرحمةفيها احترام متبادل وطموحات مشتركة