Sad.women

انا على كرسي متحرك يتيمة رباتني خالتي في صغري كتت نمشي كنت نقدر شوي نعاونها فشغل مع الوقت وليت ما نقدرش كي لحقت 18 سنة ودرت المنحة كانت تديهالي وتعطيني منها 200 الف برك كي دخلت للجامعة كنت ندي المنحة وكنت نصرف منها على روحي كي تخرجت كتب ربي ورزقني بخدمة ولات تديلي منها زوج ملاين تقولي مصاريف الما وتريسيتي والماكلة لي راكي تاكليها معانا تخليلي منها سبعميا ضرك مانيش نقدر نمشي وهي لي تعاوني ولات تجيبلي الماكلة للشومبرا ماناكلش معاهم فلكوزينة وليت ناكل غير العدس واللوبيا والماكلة الصابحة ولات ما تعطيليش الجاج والفاكية كي يشروها ديفوا نشم ريحة لحم والقليان نلحق وين وليت نقولها شميت القليان شميت ريحة لمسمن تقولي طاجين سخنت فيه الخبز ولا تقولي قليت لبيض في مقلة فيها زيت لفريت ولا تقولي من عند لجيران نشوف ولادها ياكلو كل خير لبنان تفاح تقولي الجارة عطاتلهم وليت كي نسخف نروح ناكل شاورما برا ولا كاش مشوي مرة على مرة نشري فاكية ونخبيها فلبيرو اذا جبتها للدار تطيرلي حبة برك وتزيد كي ندخل يديا فارغين تقولي كنت نستنى جيبينا باش نشربو قهوة ولا تقولي ليوم سخفت على البنان تولي تمعنيلي اقسم بالله راني لابسة حوايج قدم نبان طلابة تيليفون باش لميتلو جعت أشهر وأشهر مشتاقة الف حاجة وحاجة في حياتي ما خرجت حوست ونحيت على خاطري وشفت الدنيا، تغيضني عمري انا بشهريتي وعايشة مشتاقة، مؤخرا سجلت في عدل وقبلوني راني نبكي ليل ونهار ماعنديش باش نخلصها، وزيد حتجت زوج ملاين واحد يعرفني ويعرف ظروفي حكيتلو قالي رايحين يدخلوني دراهم نتي اذا راكي مزيرة سلفيهم من كاش واحد ومنبعد كي يدخلوني دراهم نعطيهملك سلفتهم من عند خالتلي على اساس كل شهر نزيدلها ميتين الف نرجعهم على عام فاتو شهرين وهو يتمسخر بيا ضرك وليت كي نبعتلو ما يريبونديليش صايي راني مقنوطة ديفوا نصلي وندعي ربي يديني علاه راني عايشة في هاذي الغبينة دعولي ربي يفرج عليا صايي الدنيا ظلامت عليا.