سي د أحمد

أنا انسان نحب حياتي تكون واضحه و بسيطه نحب برشا الصلاة و التقرب لربي ، نحب الصراحه و الوضوح ، نحب الهدوء يلي يريح البال و نكره الظلم و النفاق و تضييع الوقت في حاجات فارغه ، أوّل حاجة عندي هي التقوى والخلق الحسن، نتقي ربي في السر والعلن، ونجعل أساس تعاملي مع مرتي بالأخلاق الكريمة كيما الصدق والأمانة والنية الصافية، ونتجنب الغضب والفظاظة، ونطبق حديث النبي صل الله عليه و سلم "خيركم خيركم لأهله وأنا خيركم لأهلي " المعاملة تكون بالمعروف والرحمة، نعامل مرتي بلطف واحترام كيما أمرنا ربي: " وَعَاشِرُوهُنَّ بِالْمَعْرُوفِ " سورة النساء. نكون عادل ومنصف، وما نبخلش عليها بالنعمة اللي عطاهالي ربي، كيما قال النبي صل الله عليه و سلم "دينار أنفقته في سبيل الله، ودينار أنفقته في رقبة، ودينار تصدقت به على مسكين، ودينار أنفقته على أهلك، أعظمها أجرًا الذي أنفقته على أهلك" نكون وفي ، نوفي بوعدي، وما نخونهاش لا بقول لا بفعل، ونصبر على عيوبها ونتغاضى ساعات تزلق بكلمه، طلبا لرضا ربي. نعاونها على الطاعة، ونذكرها بالدين بلا تسلط و من غير ما نضغط عليها ، ونعاونها على بر الوالدين وتربية الصغار تربية صالحة، كيما موجود في منهج السنة متاعنا سنة رسولنا محمد ديما نتجنب الإذاء النفسي و الجسدي ، يعني لا نضرها في بدنها و جسمها و لا نضرها في عاطفه متاعها و أحاسيسها و مشاعرها و بالعكس لازمني الاهتمام بالمظهر والجوانب العاطفية، يعني لا أهمل نفسي لها، كما قال تعالى: "وَلَهُنَّ مِثْلُ الَّذِي عَلَيْهِنَّ بِالْمَعْرُوفِ" -البقرة: 228-. و أظهر لها الحب والعاطفة انا انسان ملتزم ، لست كاملا ، الكمال وحده فالله، لكن أسعى دائما للتقيد بهدي الاسلام ، و أعترف بأخطائي و نصححها، الزواج يقوم على الرحمة و الطمأنينة و مودة ،كما وصفها القرآن قال تعالى : "وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً" -الروم: 21-