عمار عبدالناصر

أنا بصراحة أول وأهم حاجتين عندي في شريكة حياتي وما ينفعش نكمل من غيرهم هم الدين والخلق وأقصد بالدين إنها تكون بتصلي وبتحب ربنا ورسوله وتخاف من ربنا في نفسها وفي الناس وتحب تتعلم وتسمع وتفهم ما أمر به الشرع وما نهى عنه وتاخد الدين مش بس عبادة لكن كمان أسلوب حياة والخلق أقصد بيه إنها تكون مؤدبة مهذبة بتعرف تتكلم وتعرف تحترم الكبير والصغير قلبها طيب ولسانها نظيف بعد كده ييجي الجمال طبعًا نفسي في وجه جميل مريح للنفس مش لازم ملكة جمال لكن على الأقل تكون بشوشة نضيفة تهتم بنفسها شكلها لبسها وكمان يهمني تكون رشيقة أو على الأقل بتحاول تحافظ على جسمها وتتحرك وتلعب رياضة حتى لو بسيطة المهم تكون بتقدّر جسمها وبتحب نفسها أحب إنها تكون فاهمة يعني إيه زوج ويعني إيه قوامة ويعني إيه طاعة في المعروف وتكون عارفة إن الجواز مش ندية ولا حرب لا ده سكن ورحمة وسند واحتواء نفسى تكون مطيعة مش بمعنى الاستسلام لكن الطاعة اللي جاية من محبة وفهم إننا فريق واحد ولما الراجل يكون راجل بجد الست مش هتلاقى أحن منه كمان أحب إنها تكون سند في الشدة مش أول ما الدنيا تتقل تتهرب بالعكس تقف جنبي ونشيل مع بعض وأخيرًا نفسي فيها تكون مرحة تحب تضحك وتحب تفرّح اللي حواليها وتكون متفائلة مهما حصل في الدنيا دايمًا عندها أمل في ربنا