تشاركيني للجنه؟

انا محمد عايش مع والدتي واختي واتممت ٣٤ سنه مؤهل عالي ليسانس اداب دراسات تاريخيه وان شاء الله في طريقي اطور من مؤهلى ولو ان الوقت اتأخر انا مش بعرف اتكلم عن نفسي خالص انا شخصيه غريبه مش هعرف اوصفها بس هقول مثال : انا كنت السنادي طالع خدمات حجاج وفي زميلي قالى كلمه مسمعه في وداني لحد الان قال:- انا لفيت كتير وشوفت كتير وانت ممكن تلاقي شخصيه زيي مكرره كتير لكن انت نادر ومش هلاقي ولا اقابل حد زيك تاني، وانا كل اللى عملته حاجه واحده بس كنت بتقي الله حق تقاته حرفياً وكنت بشوفهم بيعملوا الغلط ومشاركش فيه وانصحهم واقولهم دي حرام وهما احرار. الحمد لله ربنا كرمني بالعمره ودي تاني عمره ليا وكنت اعتمرت من سنتين ساعتها حاولت اخطب والبنت كانت عايزاني مرحش الشغل ده تاني بس الحمدلله مرتبطناش وعملت عمره تاني وهي لأاااا 😝😛 ياااه على حلاوه النظر للكعبه 🥰 طيب نتكلم جد شويه 😅 انا شخصيتي بسيطه وهاديه وبطبعي طيب ومسالم وفي حالي وحالياً شغلى اونلاين عندي شغل خاص تمام وفي شغل مؤقت بنزله بمعني اني مسجل في الشركه بنزل وقت ما يكون شغلي الخاص واقف انا حالتى الماديه مش احسن حاجه بس الحمدلله يعنى في دخل بيجيلي يعيشني انا ومراتي باذن الله واهم شئ بالنسبالى الدعم المعنوي يعنى اخد بنت متحبطنيش لكن تدعمني انا محتاج ده جدا عشان اقدر اطور نفسي اكتر خاصة في وقت زي ده وانا محبط ومعنوياتي صفر وكمان ترضي بعيشتي على قد ما اصرف اكيد مش هبيتها من غير عشا بس اقصد متطلبش فوق طاقتي على قد لحافنا نمد رجلينا يعني 😅 و طموحاتي اطور شهادتي وادخل في الارشاد او الترجمه او سفاره او مدرسه لاني معايا لغه نادرة شرقيه وهي اليابانيه هو انا ببداية تعلمها ولكن حاببها وهتعلمها باذن الله وانا مدمن انميات - اوتاكوو - بحب الكوره والجيميز والشطرنج والسباحه والمسلسلات الهادفه والافلام العربي والاجنبي متابع جيد للسياسة والاحداث الجاريه انا مش متشدد انا وسط في كله والاغاني قللتها جدآ بالنسبه للقرآن انا كنت حافظ نصه ومع الاهمال نسيت الحفظ بس لسا حافظ ايات مش سور كامله وبتعامل بيه في حياتي وبحب اسمع القرآن بصوت الشيخ محمود علي البنا مريح للقلب والبال ❤️ وبحلم بفتح مشروع على ارض الواقع يأمن مستقبلنا ولكن اللى معطلنى انى لسا مستلمتش شقه الاسكان وانا مختارها في محافظه تانيه بعيده عن الوش والزحمه ميزتها انها رايقه وفيها بحر ومدينه عشت فيها نص عمري تقريباً درست فيها في المعهد الازهري المرحله الابتدائيه كلها ولما كملت الاعدادي اتنقلت لمدرسه عاديه بسبب شده المدرسين في ضربنا احنا كتلاميذ وكمان المواد كانت صعبه عليا ولكن التعليم ده فرق معايا جدا في تكوين شخصيتي من منظور اسلامي بجانب المدرسين ووعظهم ملازم دماغي فا الحمد لله كان ليا فيها ذكرايات حلوه وبعض وحش بردو وبعدها انتقلنا للقاهره هقول باقي التفاصيل بالخاص بالنسبه لطولى ١٧٣ او ١٧٤ مش متأكد والوزن ٨٤ انا مش سمين ولا حاجه بس الموقع كاتب اختيار يا اما رياضي يا اما سمين وانا ولا رياضي ولا سمين 😹 انا شكلى عادي بس وزني زايد من الاهمال في الاكل انا كنت ٧٠ ولا ٧٣ وكنت بحب العب كوره وووو الخ بس هقول ايه بقي قصه طويله .. بالنسبه للامراض معنديش امراض الحمدلله الواحد عايش بفضل الله وبرعايته ودي نعمه من ربنا الحمد لله مش بدخن ومش بشرب شاي ومش بشرب قهوه يعنى اللى هتتجوزني هتبقي اسعد زوجه على الكوكب يا فلانه شاي قهوه الكلمه دي مش هتتسمع خالص 😹😅 بس بحب اشرب مشروبات تانيه 😈 انا شاب اه بس بدرجه شيف انا بحب اطبخ وبحب الاكل اووووي وصراحة همي على بطني رقم واحد 😋يعنى يا ويلك مني لو مش بتعرفي تطبخي او بتطبخي اوحش منى هعلقك من قفاكي في المطبخ واعلمك الطبخ من الاول 😹😈 موضوع الطبخ ده مهم جداً على فكره والله مش بهزر لازم تكوني بتطبخي كويس لان انا -- إنف اوي -- ومش اى حد باكل من ايده وبستطعم الاكل وبدوقه واعرف مكوناته كمان وبشمشم في الاكل لو زفر بسيبه 🥲 لان موضوع كبير حاولت اخطب قبل كده اه بس محصلش نصيب والتفاصيل خاص بصلي ولا لأ بصلي الحمدلله بس انا بجاهد في سبيل الله لوحدي محدش مساعدني انا في امس الحاجه لزوجه تتقي ربنا ونعاون بعض في الدين ككل مش الصلاه بس محدش هيخش الجنه بصلاته بس ولا حتى بأعماله هنخش برحمة ربنا فيا بنت الحلال حابه تشاركيني حياتي ونحاول بكل طاقتنا نطلع من الدنيا على الاخره مع بعض للجنه؟ لو في تقارب ياريت مشاركة الصورة زي ما انا عامل بدلا من الاحراج في الرؤية الشرعية لان القبول نسبي ممكن تكوني قبلاني و انا لأ او العكس القبول ضروري لانى هعيش معاكي عمري كله وانا جاد جدا انا هنا مش عشان العب كنت لعبت زمان واستغليت لما البنات كانت بتعاكسني عشان كنت حلو وابيضاني وعيني خضرا وانا اللى كنت بصدهم دايما ومقبلتش امشي او المس بنت لان حرام ومرضهاش على اهل بيتي